منتديات الموازين الرسميه - تركي+ رشيد نار نار

ياتركي الفين نسمع عنك بعض الكلام0000000000ومطير ماودنا نشذب عراقيبها

اما ليا جيتنا وقـّف.. ورد الســــــــلام000000000ولا نكبناك نكبه مانت داريـبها

تركي

السر مدفون مابين اللــحم والعـظــام0000000000واهل المواجيب ماننقص مواجيبها

أنا سلامي عليكم00مرةٍ كل عـــــام0000000000واهل الهناديب ماتـنفع هناديـبها

رشيد

إنته من العام تخلطها حـلال وحـــرام0000000000ماعـــاد لك قبلةٍ تعرف تصلـّــيبها

تشيل عشرين طلـــقه مـيـّـته بالحـزام0000000000وتزهـّـب البندق العجرا وترميـبها

تركي

اللي يقول الحقيقه مايجيه المـــــلام0000000000والنار ياكثر من يشعل مشاهيبها

إن كان عين الزلامي مايجيها المنام 0000000من يرخي إذنه لهرج الناس يوحيبها

رشيد

ترا معـي حيلـةٍ لمخــالفيــن النـــظـــام00000000واللــه لخلـّـيك يا تركي تهذريـبها

وإني لأطاردك وسط المملكه شرق شام00000000لين الطروق الرزيله مــاتغنـّـيبها

تركي

أنته00وانا 00كلـّنا متقاسمين الطعام0000000000لكن الأيام لاتــامن عواقيبـــها

ياراعي الخشم خشمك لا يجيه العرام0000000000لحيتك تقديرها من قدر أشانيبها

رشيد

الوقت يا شاعر المـطران جاله سنام0000000000لكن عوجة رقبته00وش نسّويبها

والحر يشبك بفرخٍ من فروخ الحمام0000000000يا طيبها يوم جابت صقر ياطيبها

تركي

صل الفرايض وحج البيت واقض الصيام0000000000لا عاد سبحتك للعالم تومّيبها

النور يا شاعر الروقه00 يزيل الظــلام0000000000وحنا صقور ٍ تعشيها مخاليبها

رشيد

انـتم قبيـله ... لكــن الطـق فك اللحـام0000000000مطير قوم ٍ خلقنا اللــه لتعذيبها

سقناك من قلة الحـّره لغربــي نعـــام00000000ديار تصبح بها00 وديار تمسيبها

تركي

أعرف عشيره واعرف الجمش واعرف جهام0000ياشيب عينك من المطران يا شيبها

تحمد الله00 وريّـح فوق ريـش النعـــــام00000000ضيوفكم ماتبا تجرح معازيبها

رشيد

انته تعرف الدير 00لــكن بيّــاع خــام00000000ماغير تمشي وكل أرض ٍ تعشيبها

حنا ليا حميت الهيجا00وحصل الزحام000000نشرب فناجيل خلق الله 00ونرميـبها

تركي

أنا من أهل الأشدّه في نهار الزحام0000000رجليك اباأنشدك من كسّـر عراقيبها

ياهل الفناجيل جاكم ردها بالتمام0000000من حوّ ل أهل المناصب من مناصيبها

رشيد

صاحبك شايب لكن انته بسن الفطــام000000أعرف علوم ٍ ماظن( ألفين ) يدريبـــها

والله يالولا حياي من الرجال الحشام00000000لا أقولها صح00 وآخليك تسريبها

تركي

انته تحلم00ولا غشّـتك غير الحـلام0000000000راجع دفاترك.. تلقا في مكاتيبها

وراك ما قلتها ياصاحبي من شمام00000000حتى إن حملتك في ظهرك تزوزيبها

رشيد

يامطير ماعاد ينفعكم شراب وطعام00000000من يوم فارقتم أم الـّرمث وشعيبها

قامت عليكم دروز ٍ ماتعرف الكـلام00000000وإنتم كما العقرب اللي تلوي ذنيبها

تركي

جـدّك توفى وفارق ناقشات الوشام0000000000وأبوك شيّـب وهيبتنا يهذريبها