منتديات الموازين الرسميه - قصيده مهداه للدوشان للشاعر /بادي الزنغوب

منتديات الموازين الرسميه (http://www.almouazeen.com/index.php)

- الأشعار المنقولة لشعراء الموازين (http://www.almouazeen.com/forumdisplay.php?f=92)

- - قصيده مهداه للدوشان للشاعر /بادي الزنغوب (http://www.almouazeen.com/showthread.php?t=33135)

قصيده مهداه للدوشان للشاعر /بادي الزنغوب

انقل هذه الابيات مهداه الى شيوخ مطير الدوشان والاسم غني عن التعريف

الا ياهل المدايح خلوالامداح للدوشان=شيوخن كاتب التاريخ كاتبها وذاكرها
شيوخ مطير حمران النواظر كلهم فرسان=زعامتهم قديمه والعرب تذكر مفاخرها
فعول اخوان جوزا ينطحون القوم فالميدان=تحقق كل ماتبغى ويطرى في خواطرها
ليامني ذكرت فعولهم في ماضي الازمان =اقول النعم في الدوشان ماضيها وحاضرها
جبالن في الجزيره راسيه غصباً على الزعلان =على كل العدا وبحكمة المعبود ناصرها
تحت هيبة سيوف شيوخنا حزنا على الصمان =وهذي من فعول شيوخنا الله لايغيرها
لواذكر من كبار شيوخنا فيصل ولد سلطان =فعوله بالحرام اني على القرطاس ماحصرها
وغيره كم دويشاً فى المواقف نزح العدوان =لياجاك الدويش بديرتن هلت بشايرها
واذا جا فالزمن شعله واذا جا فالزمن دخان=لك الله ماتغيب شيوخناوالكل خابرها
ليامنك عنزت اعنز عليهم وانته الكسبان=ترى كل الامور شيوخنا الدوشان تقدرها
ترى عز الشيوخ اهل الاشده عز للمطران=شيوخن كالصقور اللي قليلاتن نوادرها
وانا ماقول في شيوخ العرب عيباً ولانقصان =لكن النفس في الدوشان تجبرني مشاعرها
اغني بالقصايد واعرف الطيب من الرديان=هواجيسي لمدح شيوخنا ماني بعاذرها
اركبها على معنى واركبها على القيفان=وانا ماني من اللي ينظم بيوته ويكسرها
وانا ماقولي حاجه بلا شاهد ولابرهان=ولا لديت في ناسن مضيعتن بصايرها

الشاعر/بادي الزنغوب