امس الضحى عديت في راس مزموم=تومي بي الارياح شـرق وشامـي

ما كر حرار ما يركـن بـه البـوم=كود العقاب الصيرمـي والقطامـي

أبكي هلي يا ناس ما نيـب مليـوم=واظن من يبكي هلـه مـا يلامـي

ما هو غلى غروٍ من الدق ماشـوم=على الشيـوخ متيهيـن الجهامـي

من طاوع الثنتين يصبر على اللـوم=يصبر على فرقى الاهل والعمامـي

هذي مرابـط خيلهـم دايـم الـدوم=حقب العيون مروبعـات الهوامـي

يركب عليهن باللقـا كـل شغمـوم=من ربعي اللي ما وطوا باالملامـي

هذا مشب النـار والحفـر مثلـوم=ومركى الدلال المتعبـات الشوامـي

علمي بهم شدوا من الوادي ابو دوم=مستجنبيـن مطيـرات العسـامـي

تنحـروا واد بـه العشـب كيهـوم=تسمن به المعزا وهـدف السنامـي

ادنى منازلهـم حشاشـة ولملـوم=واقصـى منازلهـم ودّي النعامـي

اقفوا كما طير قلب راسـه الحـوم=هيفيـة مـا ينـدرى ويـن حـام

يا مي خلان الرخاء عدهــم قـوم=خلان من دامت نعيمه وادمــــــي
لا تشتحن يا واحد بت مـهموم=ترا الفرج عند اكتراب الحزامــــــي
امس الضحى عديت في راس مزموم=رجم عل كل المراقيب زامــــــــي
بديت رجم ما بدى راسه البوم=يا كود حرٍ صيرمي قطامـــــــــــي
يا هيه يا مترحلين على كوم=خفايف ما فوقها الا الولامـــــــــي
الى الفيتوا ديرة اصحاب من قوم=علم ترى حمض الرجال العلامـي
ابكي هلي يا ناس مانيب مليوم=حيث ان من يبكي هله ما يلامي
من طاوع الثنتين يصبر على اللوم=ويصبر على فرقاً الأهل والعمامي
اتلا العهد شدوا من العد ابو دوم=مستجنبين امثورات العسامــــي
هذا مشب النار والحفر مثلوم=ومركا الدلال المتعبات الشوامـي
وهذي مرابط خليهم دايم الدوم=حقب العيون امر وبعات الهوامي
راحوا كما طير قلب راسه الحوم=غربية ما يندرا وين حامي
ادنا منازلهم شثاثا وملموم=وقصى منازلهم ودي النـــــعامي