منتديات الموازين الرسميه - عبدالحميد الفهمي &راشدالسحيمي

[CENTER][B]اليكم هذا الطاروق بين كلاً من سيف شبابه وراشد السحيمي
سيف شبابه

يا مرحبا يا هلا واثني التراحيـب
عـــداد مـــا لاح بــــراق الـخـيـالـي
اقولها في حـلال اهـل المواجيـب
السلم غالي وقدر الضيف غالي

راشد السحيمي .

لعل فيك البقى والطيـب بالطيـب
اقولهـا باسـم الاقـصـى والمـوالـي
الليلـة الذيـب يعـرف جـرة الـذيـب
وانا ادري ان البلد ما هو بخالي

سيف شبابه

حييـت مـا فيـك لا شــك ولا ريــب
والطيب مع كل طيـب راس مالـي
الذيب يعوي على روس المراقيب
يعرف خيالك ويجفـل مـن خيالـي

راشد السحيمي .

مـالـك عــن الكلـمـة الزيـنـة مجانـيـب
تـقــدر تـوصــل حـبـالـك مـــن حـبـالــي
لا تـلـمـس الـدقــن وتـــرف الاشـانـيـب
طالعت في الشمس وانته في ظلالي

سيف شبابه

اتغيـب والادمــي مــا يعـلـم الغـيـب
يـمـكـن تـلالــي وتـقـفــاك الـلـيـالـي
يا راشد الله على بعض الاساليب
مـا تستـوي مـع كريميـن السبالـي

راشد السحيمي .

من غاب عن ماقفه يا صاحبي عيب
هـــات الاجــابــة عــلــى قــــد الـسـوالــي
تــدرون لـيـه اتـوقـف مـصـبـغ الـشـيـب
مـن شـان مـا تهضـم حقـوقـي عيـالـي

سيف شبابه

وش بين دورك ودورات الدواليب
مثل الذي بين حـال وبيـن حالـي
انا احسبنه على شـان الرعابيـب
واثـــرك مــرعــوب لا وعــــز تــالــي

راشد السحيمي .

حنا بشر نخطي التوفيق ونصيب
لكـن اعـرف الـحـرام مــن الحـلالـي
ليه على مـا تقـول اشـوي تعقيـب
الذيـب مرعـوب مـن قــرن الغـزالـي

سيف شبابه

انتم مساكين من مسك التلابيب
مــا ينتـهـي هـمـكـم يـــا هـمـلالـي
اشـكـال والــوان والدنـيـا مكـاتـيـب
خلك على ما يجي فيك احتمالي

راشد السحيمي .

مـــا عـودونــا عـلــى حـــش العـراقـيـب
والله مجـالـسـك لـــو اجـلــس لـحـالــي
وشلون نصبر على خض المشاريب
وانــــا ادري الــفــال يـقــفــاه الـعـقـالــي

سيف شبابه

قالوا لنا ما على السحمان تثريـب
مـهـمـا يـقـولـون قـــولا مـــا يـقـالــي
اصبر على الفال لو انه مشاعيب
الـفــال فـالــك وفـالــك غــيــر فــالــي

راشد السحيمي .

قالوا لك إنا نشابه شمخ النيب
اهــل الاشــدة بعيـديـن المـفـالـي

0منقول من منتديات عبدالحميد الفهمي