ياراكب اللي تو جابوه تمرين=ماعمر ركابه تعب من ركوبه
جيب(ن) جديد بغاليات المثامين=كل المزايا كامله ومحسوبه
من القحم متوجه(ن) لـ الدلاقين=صغار الحصى تطايرت من هبوبه
يلفي على اللي للمسايير شفقين=أهل دلالً نارهنه شبوبه
ربعً قريت أشعارهم بـ الدواوين=الشعر طبو غبته وسبحوبه
اذكر ولد غلاب جعله على الزين=متمكنً شعره يجيك بعذوبه
وعلي الدجيما طالعً له براهين=مآهمته لو كان فيها صعوبه
الراي يوخذ من رجال قوييً= طلبت منكم رايكم واهرجوبه
طول الشتاء ماخذت راحت اسبوعين=صار السفر والطير ليه عقوبه
الطير حبه لاجينً بالشرايين=اشر من فرقا حبيباً نحوبه
انا اتركه واكثر النوم بـ العين=وانساه نسيت هاوي(ن) لمحبوبه
واليا ذكرت الخرب جثل الجناحين=من شوفت النادر تعثر هروبه
الطير هو ويا البكار الملاوين=تبعدك عن خبلاً ينفخ ذروبه
واكثر رعاة المال والله مساكين=محروم والشيطان دايم يلوبه
قصر على نفسه من الزين لـ الشين=واتلاه ورث لعالمنً ماسعوبه
ردوا عليه ياعيال الموازين=نبغا خلاصة رايكم واسرعوبه

وسلامتكم ،،،