السواقه يافتا فن وشطاره=يابو فارس جعلها قدمك سفيره
جهز الموتر وعاين في عياره= كمل اشروط السفر قبل المسيره
حضر الرخصه وهات الاستماره=واربط المحزم عسا فالدرب خيره
لاتروح مثل وطاي الخباره=والعساكر فالمناطق مستذيره
من طلوع الشمس جالس فالغماره=والمسافه طولت ماهي قصيره
مع لهيب القيض ليله مع نهاره=وان وقفنا فوقنا مثل السعيره
من ديار اسباع للطايف وداره=كني اللي عابر(ن)فقصى الجزيره
مشينا مع نجد يسواله عماره= خير من مقابل النفس الحقيره
والردا راعيه مردود اعتباره= مايخلا له كبير ولا صغيره
كم رديآ سامجآ ماله مراره=صحبته لناس من صحبة عشيره
لو تشير عليه مايبغا الاشاره=مرخيآ راسه مذهوب الحضيره
آخذآ رايه من ذيك الوزاره=ماحدن غير الوزاره يستشيره
وكل حرآ منبعه منبع صقاره= مايغير سيرته في كل ديره
كود رجلن نشوته نشوة خساره=ماتحصل منه لو حبة شعيره
وان جلس في مجلسن وسط السماره=بالنميمه ذابحآ كل العشيره
يحسب الغيبه فالغايب نماره=خاليآ جوفه ومعدومآ ضميره
عقربآ يقرص ويدخل فالجحاره=يفتن الاجواد بعلومن شطيره
داشرن عايش عيشه مستعاره=في ضلال ابو متعب لازال خيره
الامام اللي على عز وقاره=هو مليك الشعب مايبون غيره
عادلن بين البداوه والحضاره=حامي البيتين بعيونآ بصيره
وخوانه اللي من يمين ومن يساره=عاشو الابطال حكام الجزيره
مودعين التبع في راسه نعاره=شايفن نفسه على غيره كبيره
واذكر المختار مرسول العباره=يانبيآ خصه الله بالمسيره