يا ناظم ٍ بالقاف لؤلؤ ومرجان=في عقده الجزلات مثل العْلاقه
الشعر زين وفي مجاراتك ازدان=وهذي يا أبو نواف لجلك لحاقه
لا صرت أنا بعيونكم طير حوران=فأنتم فضاه وماكره وانطلاقه
جاني من الترحيب والود طوفان=وأنا ضلوعي بالمحبة رقاقه
حاولت اجاريكم محبة وعرفان=ولقيت في بعض المجارى حماقه
مشاعر احباب ورفاقة وصدقان=مالي بها يا أهل المواجيب طاقة
في منتدىً عطره بختري وريحان=والطيب به دين ٍ حلال اعتناقه
يزهي جبينه ملحمة ذوي ميزان=قوم ٍ لهم بالعز مقدم وساقه
تعاهدوا بالطيب خطلان الايمان=عهد ٍ على اولهم غليظ وثاقه
مني لهم ما داعب الريح الاغصان=من حدر ورقاً ناشعتها زراقه
سلام احلى من هما غر الامزان=نقع الصفاة اللي هنيٍّ مذاقه