منتديات الموازين الرسميه - يـَّـــُــــــانّـَجُمٌّ

منتديات الموازين الرسميه (http://www.almouazeen.com/index.php)

- الشعر العام والفصيح (http://www.almouazeen.com/forumdisplay.php?f=34)

- - يـَّـــُــــــانّـَجُمٌّ (http://www.almouazeen.com/showthread.php?t=24128)

يـَّـــُــــــانّـَجُمٌّ

يانجم ياللي عن سما خافقي غـاب
وش غيبك عن الخفوق السمـاوي
مدري بدون اسباب ولا به اسبـاب
والا أنهـا كانـت مجـرد حكـاوي
الأوله يبغالهـا شـرح و أسهـاب
والثانيـة تحتـاج منـك فـتـاوي
والثالثه صدمه و تفريقـة احـزاب
بلوى ولكـن غيـر كـل البـلاوي
ياصاحبي مالي هينا غيرك اصحـاب
بعيون قلبـي والضميـر الشقـاوي
لو شفتلي صيت وذكر بين الاجناب
وربعي براسي يبعـدون الهقـاوي
تراي اعيش بغيبتك عيشة اغـراب
واعيد للذكـرى زمـان الخـلاوي
راسي من التفكير ياصاحبي شـاب
تركتني لجـور السـؤال اللحـاوي
معقوله اللي مضى نظـرة اعجـاب
معقوله اللي مضى طيـش غـاوي
لا مستحيـل لا و بسلـم الاحبـاب
لان الهـواوي مالـه الا هـواوي
تبعت من التفكير عن روضة هتاب
وجيتك وأنا كلي خضوع ورجـاوي
قلي دخيل الله بلا حرقـة اعصـاب
أيش انت في شلب المعاليق نـاوي
أن كنت ناوي تفتح لدمعـي البـاب
الدمـع بعيـون المفـارق رهـاوي
ما أقولك دمعي وقف بين الاهـداب
أقولـك خـدي مـن الدمـع راوي
وأن كانك تبي تعرف غلاتك ومرتاب
غـلاك قسمنـي قصيـد وغنـاوي
ما أنساك لوتنسى عنزه هيبة عقاب
ولو نسيت عتيبه فعـول العطـاوي
وأن كانها زله ورمح النـدم صـاب
وحبيت ترجع بـس قلبـك حيـاوي
تعال وألبس بالرضى قلبـي اهـداب
وانسى وانا بنسى يالقلب القسـاوي

مطلق بن فهد النومسي