|
الاول في الشعر(شاعر المدالجه)
أدعوا الله في هذه الليله المباركه ان يغفر له ويسكنه جنة عرضها السموات والارض00الله يرحمك يا (ضيف الله أبن زراق)...........اللهم أمين.
قرأت له بعض القصائد وكل وأحده أروع من الثانيه يخونني التعبير بوصف شعره نعم جميعها حكم واذا قراتها أحس اانني احلق مع أبياتها .. لقد دخلت خلسه مكتبة أبن مصاول وقتحمتها وأدرجت هذه القصيده ........ عبر هذا المنتدى الذي أحس أن مكانها الاصلي هنا ..(لانه أول وأخر شاعر المدالجه. الذي يقف الشعر هنا عند وفاته الله يرحمه....ربما ياتي بعده أبن مصاول ....لاكن الله أعلم....) وحلا نجد...كونها مطيريه وتحب قراءة الشعر شدني كثيراااشعر( شاعر المدالجه ضيف الله ابن زراق).... أطلت عليكم الحديث أترككم مع القصيده ...منقوله من دوانية أبن مصاول.. .................................... هذه قصيده لضيف الله أبن زراق أبن مصاول المدلج الميزاني....قالها عندما رأى ان الشعر دخل فيه من هب ودب......أترككم مع القصيده اللتي فاضت بها قريحة شاعر المدالجه رحمة الله عليه ............................... .............................
يا مدعين الشعر لا تفضحونه=الشعر يبغا له طروقٍ نقيات ويبغا هله كان أنكم تجهلونه=اللي لهم في عالم الشعر جولات اللي اليا جا موسمه يصنعونه=صناع كلمه والمعاني قويات ماهو كلامٍ بعضهم يجمعونه=خالٍ من المعنا بيوته هزيلات هزوا نظام الشعر وأرخوا ركونه=وأرخا عناقه عقب ماهن رفيعات وشان طعمه يوم انه أقفت أحتونه=وشانت قواف الشعر ومنقده مات اليا صار مابه عالمٍ يفهمونه=ويحضرونه في حتونه اليا جات قولوا لشعار الغلط يتركونه=الشايفين نفوسهم في المرايات قولٍ بلا معنا يسمى مهونه=ويّنزل أصحابه من أعلى المقامات والرجل حوله عالمٍ ينقدونه=أصحاب عقل وراي وألهم مقالات يدرون عن ممشاه ويقيمونه=أما ردي ولا حموه بشهادات ياللي تبون الشعر وتضيعونه=قولوا بمعنى وأحسبو له حسابات وليا بغيتوا واحدٍ تمدحونه=ترى رجال المدح فيهم علامات وليا جبركم واحدٍ تكرهونه=ترفعوا عن سب الأحيا والأموات ما كل من يعجبك غيرك يبونه=لك نظرةٍ وحده وللناس نظرات وأبن سبيل قايله في لحونه=لك شوفةٍ وحده وللناس شوفات والشعر حرف جوهره عن يكونه=وقضوا عليه مراسلين المجلات أعني به اللي ماترفق بهونه=يبغا الطريق ولا عرف للمسارات ياليت من يرسل لهم يمنعونه=ويقال له ممنوع منعاً بعد بات حتى يزين الشعر طعمه ولونه=ونامن عليه من الخطر والمتاهات وعنه ردي المعرفه يبعدونه=أبعد من أرض الهند عن ظلع أبانات قلته وأنا قلبي تعاقب ضنونه=من عالمٍ ما ينعرف له تجهات من وين ما هب الهواء يتبعونه=وخلوا سلوم أهل السلوم القديمات حتى الكلام المستنع يحرفونه=وأن قلت: حرّف ليش؟قالوا:ثقافات!! كلام خارج دارهم يسمعونه=وتقليد ماضيهم لقوا به عيابات وحنا العرب دين ونظام ومرونه=وش قادنا لمشّكلين الديانات؟ حنا الشجاعه والكرم والخشونه=يا مقلدين أهل الترف والميوعات وحنا خلِقنا فالبلاد الحنونه=مهبط وحي منزل ومنبع رسالات أهدي بما قلته لمن يقبلونه=وجهة نظر تكتب على هيكل أبيات وأن كان في قولي غلط تاجدونه=ردوا لنا يا منقدين الكلامات وحنا نطاوعكم على ماتبونه=ليا صاروا أهل النقد عقال وثقات حلا نجد..من مكتبة المستشار العام؟؟ |
رد : الاول بشعر(شاعر المدالجه)
وحنا العرب دين ونظام ومرونه=وش قادنا لمشّكلين الديانات؟ حنا الشجاعه والكرم والخشونه=يا مقلدين أهل الترف والميوعات الله ............الله..........الله يا حلا نجد أستاذه في الأختيارات أشكرك جزيل الشكر يا بنت مطير الأبيه يا صاحبة الذائقة الرفيعه.....ورحم الله شاعر المدالجه رحمة واسعه وأسكنه فسيح جنانه ولقد خدمته اختي الغاليه بنقلك لأشعاره أكثر من أي شخص آخر فلك كل الشكر والتقدير ياغاليه.. أخوك ابوضيف الله |
رد : الاول بشعر(شاعر المدالجه)
الله يرحمه ويسكنه فسيح جناته وتسلم اناملك ياحلا نجد على هذا النقل ..
تحياتي .. سلطان الميزاني. |
رد : الاول بشعر(شاعر المدالجه)
الله يرحمه ويسكنه فسيح جنانه . نعم هوا شاعر المدالجه بالفعل وليس غيره أحد فهوا شاعر الحكمه والنصيحه والغزل النظيف والمدح وجميع أغراض الشعر ولا ليتكم تعرفونه في حياته فقد كان رجل ولا كل الرجال نزيه شجاع حكيم كريم رزين صاحب طاعه له هيبه ووقار في مجالس ربعه لقد كانت وفاته مصيبة حلة على أبناء عمه ومن يعز عليه إلى جنات الخلد أبا عبدالله .
شكراً لكي أختي حلا نجد على بث هذه القصيده من جديد وهذا يدل على حسن ذوقك ورجاحة عقلك سلمت يداكي . أخوكم / أبن مدلج1 ( أبو مقرن ) |
رد : الاول بشعر(شاعر المدالجه)
الشكررررررررررررر لك حلا نجد..على هذا النقل الجميل وفعلا رائعه هذه القصيدة......ولا تنم الا عن قوة وحكمة وغيرة هذا الشاعر على الشعر............خصوصا بعد ان اصبح الشعر ساحة لكل من هب ودب....
ومما لفت نظري في القصيدة هذه الابيات:
وليـا بغيتـوا واحـدٍ تمدحـونـه=ترى رجال المدح فيهـم علامـات حيث تجلت حكمة الشاعر بقوة..................وقوته الشعريهوليـا جبركـم واحـدٍ تكرهـونـه=ترفعوا عن سب الأحيـا والأمـوات ما كل من يعجبـك غيـرك يبونـه=لك نظرةٍ وحـده وللنـاس نظـرات رحم الله ابو عبدالله............عزالله انه حاز العلوم الطيبه كلها...........اقوله وانا ابعد الناس عنه ولكن ذكره سابق |
رد : الاول بشعر(شاعر المدالجه)
حلانجد الله لايهينك كم انتي جميله في اختياراتك سلمت اناملك
ورحم الله قايل هذه القصيده الجزله وياريت تعطينا نبذه عن الشاعر مختصره |
رد : الاول بشعر(شاعر المدالجه)
اقتباس:
ان يرحمه رحمه واسعه هو واموات المسلمين اجمعين واذا كنتي انتي حلقتي ياختي حلا شفيني انا محلق جنبك صح الله لسانك اختي حلا وهو الله يرحمه ومن عقب مامات والخير والبركه في ابو ضيف الله |
رد : الاول بشعر(شاعر المدالجه)
اقتباس:
مشكور أخوي عبدالله...والله أنني بحثت عن سيرته كثيراا ولم يعطيني أحد أي علم الا قصيده حصلت عليها من عمي حصل عليها من واحد يعرف المرحوم ضيف الله ابن زراق ولاكن لازال البحث جاري. وعندنا خير العطايا ابن مصاول يجيب سيرة حياته((مع انني اتمني ان احصل عليها لاجعلها مفاجاءه للمستشار ولا كن ........ما باليد حيله؟؟؟ حلا نجد |
رد : الاول بشعر(شاعر المدالجه)
الجني مرررررررررررررررررررررر من هنا................
فعلا القصيدة اكثر من رائعه... ماكل من يعجبك غيرك يبونه لك نظرة وحده وللناس نظرات |
رد : الاول بشعر(شاعر المدالجه)
الله يرحمه ويرحم أموات المسلمين .,
بعدين حلا وشدراك إن ابن مصاول يبي يستلم الموقع صراحه طلعتي ذكيه __ تبي لها منصب البنيه_ على العموم ضيف الله شاعر ومعروف والله يرحمه ويسكنه فسيح جناته,,,,, |
| الساعة الآن 02:44 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
