على الله يازمن هجره وصده ماقويت انسـاه=هذاك اللي ملك عقلي وضيع راحتي هجـره
على الله يازمن ماصار فينا والعمر مأسـاه=اشوف الهم ناداني سمعت ايدق لـي نجـره
حسافه يازمن والله عشقته كنت انا اهـواه=اعيش بوحدتي ساهي وقلبن تخنقـه عبـره
سالت النفس يانفسي علامه ناوي ابفرقـاه=ابد مايوم انا اصدق يغيب وينهـي العشـره
وسالت الدمع يوم انه رسم في وجنتي مجراه=دموع الحزن في عيني فضحني ماقدر ستره
وفكرن يذكر الماضي وخلن مانسـا ذكـراه=ليامنه ذكر خلي مسحـت الدمـع بالغتـره
الا ياوقت لاتجـرح زمانـه والعمـر يفـداه=اخاف انه يجي نادم دموعـه تنتثـر حـدره
طلبتك يازمن ترفق عليـه وتسعـده دنيـاه=هذاك اللي كسر قلبي غلاه ومرتفـع قـدره
انا من غاب عن عيني اصونه وانتظر لقيـاه=عسا رب عقل يوسف يجيب اللي غدى فكره