فكري رسيفر والهواجيس ريموت= و القلب شاشه للهموم الكثيرات
تلعبه إهمومه سوات البراشوت =في مستجد الصاعقه والمضلات
مابين ناول ثبت الهم لا شوت=وشوطين إضافيه وترجيح ركلات
كم واحد مثلي من الهم مكبوت=مابين زيف أيامنا والمحطات
من ضيم وقتن لرياجيل سافوت =اللي لهم في قمة المجد رايات
إيضدهم ويفتهم فت بسكوت = ويفرح عليهم كل خبلن وشمات
واللي منول منزلتهم كما البوت= رقاهم بروس الجبال المنيفات
به مايعَز إلا ردينٍ وسربوت= صاروابه خبول الرياجيل هامات
كم واحد من ظلم الأيام مبهوت=يمشي مع الدنيا على غير مشهات
يالله عليك المشتكا سامع الصوت= ياعلم(ن) في جهرنا والخفيات
يامنقذن عبده من البحر والحوت=إفرج لنا من ضيم وقت الدعايات