أحيان نسمع هرج مايدخل الراس = واحيان مدري كيف يدخل براسي

أحيان اقول ان الرجا يقطع الياس = واحيان أقول ان الرجا فيه ياسي

لو في يدي حيله وصبري له أقياس=مير البلا صبري تعدا القياسي

حظي يطيح وداخل(ن) معه وسواس=محد(ن) يلومه لو يطيح أمتواسي

تجيني الاحزان مع كل هوجاس=تدخل مع الشريان مثل النعاسي

ياليت هم القلب مادق الاجراس=ولا طرا لي عقب ماكنت ناسي

دنيا تخلي رايق البال منحاس=المشكله تاثيرها صار قاسي

لو شفتني مرتاح وأمشي مع الناس=أشيل في قلبي جميع المأسي

اخفي جروح القلب واقول لا باس=واصير قدام العرب دبلوماسي

المشاركة الأصلية كتبت بواسطة الحميدي بن فارس الميزاني (المشاركة 291781) لو شفتني مرتاح وأمشي مع الناس=أشيل في قلبي جميع المأسي اخفي جروح القلب واقول لا باس=واصير قدام العرب دبلوماسي