منتديات الموازين الرسميه - مجاراة الشاعره ملكة القوافي

منتديات الموازين الرسميه (http://www.almouazeen.com/index.php)

- ديوان الشاعر الحميدي بن فارس بن مدلج (http://www.almouazeen.com/forumdisplay.php?f=121)

- - مجاراة الشاعره ملكة القوافي (http://www.almouazeen.com/showthread.php?t=31031)

مجاراة الشاعره ملكة القوافي

هذا البيت من قصيدة الشاعره ملكة القوافي اللي تقول فيها

لازادحزنك وصار ودك تفله = فله على رمال الديار البعيده

أماقصيدة المجاراه أقول فيها ...

عذب الكلام اللي يجي في محله = يزيد من قدرك ويرفع رصيده
لاصار في قلبك من الوقت عله = الصبر مفتاح الفرج في العقيده
مايدري الأنسان وش مقبلله = الوقت جائر والمشاعر بليده
للوقت فرصة كان جتك استغله=تكسب لك اجر بكل خطوه سديده
كم واحد(ن) قدمه هدف ماوصلّه = واللي يروح من العمرمن يعيده
أضحك ترا شخصيتك مستقله = وش فايدة تندم وحزنك تزيده
لاشفت دمعك فوق رمشك يبله = ترا البكاء ماله عواقب مفيده
خلك قوي الباس من دون زله = الدرب بيّن والمساعي حميده
واللي يعقد الحبل لازم يحله = أخذ العلوم الواضحه والاكيده