منتديات الموازين الرسميه - مضيم القحطاني وهامورمطيري

مضيم

على المصطفى المختار خير الصلوات \ هو الهاشميّ اللي رضع من حليمه
ليا دندن الهاجوس هيهات هيهات \ وكبت المشاعر للمشاعر ظليمه

هامور مطيري

نبي الله الي خاطبته السماوات=يحذر من الغيبه ودرب النميمه
وبيني وبينك لاتطول المسافات=لانبغاك نصر ولانبيلك هزيمه

مضيم

يا هامور ما بيني و بينك علاقات \ سوى الملعبه و الغيبه اكبر جريمه
ترى الفرق واضح بين الا حيا و الاموات \ ومن كلمتك عز الله انك صتيمه

هامور مطيري

عطوك العبادل ختم واسناد واثبات=وقيمتك صارت بألف مليون قيمه
ياليتك على طول الدهر رجل وقفات=ودايم كذا راعي مواقف عظيمه

مضيم

فرضنا السياده في جميع المجالات \ دقايق و يا سرعك تذب الخريمه
اواخذك لو ماني بحاقد و شمات \ على نيتك جعل النوايا سليمه

هامور مطيري

وحنا ترى نعطيك وقت ومساحات=علشان ماتشعر بغبن الحريمه
سرى ليل ابولمبه على خمس لمبات=ولاشاف دوريه طلبهم قسيمه

مضيم

يا بعد المضيلف عن حدود القريات \ تدرّج ما دام ان العلاقه حميمه
انا ما ذبحني غير حرب العصابات \ يحطون شد شعيل في وسق ريمه

هامور مطيري

انا ماتشتت في طريق المتاهات=واحمد الله الي ماحرمني نعيمه
وحنا تعاونا مع اهل الجوازات=على شان صنعاء مامشت مستقيمه

مضيم

ترى الشعر ما هو دردشه داخل الشات \ يا صبر المريسه بلعصتها البهيمه
نجاريك و نداريك رغم الفروقات \ على الشاهي الخادر و بسكوت ديمه

هامور مطيري

جهازن يبي له دسك واعمال فورمات=وكلمتك هذي عاهتن مستديمه
اجل من حسابي جاك كرتون كتكات=تسلا يابوشاهي ونفسك كريمه

مضيم

يا بنك الصرافه ما بقابك جنيهات \ و هذي بدايه و العواقب و خيمه
نعرف الاصايل عند شوط السباقات \ وكدش الزمول تهوش عند الوليمه

هامور مطيري

تعالج وانا الهامور من سبع لكمات=مضيم انتهى ماعاد نبغى نضيمه
تفحط على كلمه وتنهيك كلمات=حوادثك هذا الليل صارت جسيمه