يايُمّه صعب نتخيّر ترى لبعض القلوب أقفال=وانا قلبي قفلته وصارمفتاحه حفظ عهدي
يايُمّه نفسي ماترجي سحاب ٍمارق ٍمحتال=يثير إحساس داخلها وإذا خفّ الحمل شدي
اعرْف ان المطر يغري//واعرْف ان المطر زوّال=ولي الإمطار ماتعني ولاتغنيني عن عدّي
وعدّي مرخصه يُمّه ولو ضاقت بي الأحوال=اموت ولا غريب الدار يقاسمني حلا ِوردِي
يايُمّه إن جيت له عطشى سِقاني من الغرام زلال=وله تـرنيـمـهٍ يسمـع صـداها كل ِمن حـدي
يجيني بالوله غارق واجيله وابل ٍهمّال =اجيله الشوق بي حارق ولمسات الهوى بردي
عشقته والبُنى الشامخ لخاطر هيبته قد مال=عشقني والعشق منه سلبني عقلي و رشدي
شربت زلال دمعاته عطينا للدموع إجلال=شربها مر دمعاتي قبل ما تجترح خـدي
يايُمّه للغرام فنون ابد مايفهمــه الجهــال=وابــد مـايــمسك زمـامه شعـور ٍللغدر لــدّي
غرامه قد تملكّني وداخلنا الهوى قد آل=الى حب ٍجمعني بسيف عاش العمر في غمدي
قسم باللي خلق فيني لسان ٍغرد الموال =واوقد داخلي عزه من ايام الوطن مهدي
لو القى قصر متشيد غرام وداخله اموال=والقى صاحبه واقف على باب السعد جندي
ابد ماخون من شدّ الخفوق لخاطره اميال=لجل يسكن ويتربع بداخل سجنـه الفـردي
يايُمّه من فقد عقله يبدّل معدنه برمال=مقوله صح قايلها قديمه من زمن جدي
عديل الروح مالكني قصر عمر الزمن او طال=احبه حيل يايُمّه فهمتي الحين وش قصدي؟؟

المشاركة الأصلية كتبت بواسطة مواعيـ سراب ـدك (المشاركة 426436) صح لسانك اخوي ذووق عابر على الكلمات الجزله والطيبه من طيب راعيها ويعطيك الف عافيه

المشاركة الأصلية كتبت بواسطة ابـــ فواز ـــو (المشاركة 426443) صح لسانك قلمك لا يكتب الا الجميل جدااااا نص ابداعي في زواياه راق لي كثيراااااا تحياتي

المشاركة الأصلية كتبت بواسطة تخفـي غلاهـآ (المشاركة 427058) صح لسآنك يالغلا قصيدة امتزجت بالجمال والإبدآاع المتكآمل جميل مآقرأت هناا يالغلاااا والأجمل أنني حظيت بقراءة هذهالقصيده الرآئعة سلمتِ وسلمت يدأأآكِ دمتي بخير :/" تقبلي وديَ ,, تخـفي غ‘ـلآآهآ

المشاركة الأصلية كتبت بواسطة نزف المشاعر (المشاركة 428045) صح لسانك أخوي أبيات جميلة جدا الله يعطيك العافية "