|
[ تــزيـّني يـاديــرة المـجــد والخـير ]
قصيدة وطنية إبتهاجاً بعودة مولاي خادم الحرمين الشريفين
الملك عبدالله بن عبدالعزيز آل سعود حفظه الله ورعاه وألبسه ثوب الصحة والعافية
تــزيـني يـاديــرة المـجــد والخـير = واسـتـقـبـلي بالـشـوق صقر العـروبه حــيـاه ربي عِـــد ماغـرّد الـطــير = وما غــنّـت إلـ لـقـيـاه نـفــسٍ طـروبه ثم انـثري ورد الـنـفـل والـنـواوير = شـرق الوطن،غـربه ،شـماله،جـنـوبه وفي نجـد زفي للـرياض الـتباشير = بـقـدوم مَن بـيـض الـقلوب احـتفوا به إطلالـتـه تـسـعـد محـبـيــنـه كـثـير = وسُـر الجمـيع بـشـوفـته وفـرحـوا به الله يجـيـره من صـدوف المـقاديـر = وجعـل الـذي صابـه طَهـور ومـثـوبه وحـيي أبو متعـب بأحـلا الـتعابـير = ثـم أفـــرشي لـه بالـخــــزامى دروبه العاهـل الـلي لــه معــزه وتـقـدير = بـقـلـوب شـعــبٍ بالـوفـاء رحــبـوا به قـايــد محــنـّك لـه مـكانه وتـأثـير = بــنــفــوس هالـعــالم ولاة وشــعـوبه من بـين قادات الدول سـيّدي غـير = زعماء العـرب ويّـا العـجم يـقـتـدو به وفــودهـم يـمـه0ورود ومـصادير = ويـاما لـفـت مـولاي الانـظار صـوبه ومن غيرأبومتعب على الأمه يغير = ويعــيـنـها وقــت الـمحـن والصعـوبه وكم موقـف إنـساني له العالم يشـير = وكمْ شـعـب نـفّــس بعــد ربي كـروبه الله يــديـمه في سـعاده وفي خـــير = ذخــرٍ لأبـنــاء ديـــــرةٍ يـفـخـروا به |
رد: [ تــزيـّني يـاديــرة المـجــد والخـير ]
صح لسانك يابن ماضي وبيض الله وجهك على القصيده الجزله
والمبادره الطيبه منك يعطيك الف عافيه .. وبنتظار كل جديد منك |
رد: [ تــزيـّني يـاديــرة المـجــد والخـير ]
الله يعطيك العافيه على القصيده الرائعه
|
رد: [ تــزيـّني يـاديــرة المـجــد والخـير ]
صح لسانك أخوي مبروك بن ماضي
والله يحفظ لنا أبو متعب |
رد: [ تــزيـّني يـاديــرة المـجــد والخـير ]
|
رد: [ تــزيـّني يـاديــرة المـجــد والخـير ]
الشاعر وعضو منتديات الموازين المبدع مبروووك بن ماضي صح لسانك وأعتلى شأنك وبكل تأكيد أبو متعب يستحق الكثير والكثير ولو تحدثنا عنه بكل ما أوتينا نثراً وشعراً لم وفيناه حقه
http://www.almizany.info//uploads/im...e5db29a7e0.jpg الشاعر بكميرة منتديات الموازين الرسميه"صورة حصريه" |
| الساعة الآن 06:04 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
