ضـيــقــة الــدار
 

ياجار وينك خيم الضيق ياجار = في وسط صدري والصبر ماقويته

خليتني ياجار في ضيقة الدار = جالس وحيد ويوم همي بديته

اراجع اللي صار وادير الفكار = وشلون يترك راعي البيت بيته

مادامت الدنيا على خير وخيار = ولادام رجلاً يرعب الناس صيته

كذا على روحي اخفف سنا النار = وقول بعد اللي برايك خذيته

ارحل ولك عندي معزه ومقدار = لو طالت ايام السنه مانسيته

لاكن بالله لاتعديت مرار = سيّر على بيتاً قراك وقريته