منتديات الموازين الرسميه - • ●{حضنتها ... لميتها ... ماأدري وش صــــآر ~

http://www.shathaaya.com/vb/images/smilies/i.gif

http://thumbs.bc.jncdn.com/1efac82e7...ddba45b_lm.jpg
قالت: أبيك !!! وقلت أنا اللي على ناااار
........... لكنّي أخفي ما اندفع من حنيني

قالت : تبيني ؟؟ قلت : مولَع ومحتار
........... (واخاف لو صرّحت لك تحرجيني ) !!!

قالت : من أوّل ؟؟ قلت تصريف الأقدار ....
........... من يوم عينك شاغلت شوف عيني

قالت : هويت ؟؟؟ و قلت : هاويك يا جااار
........... وأهوى جروحي فيك لو تجرحيني

قالت : أنا ؟؟؟ قلت: انتي العمر لو جار !!
...........وانتي الغرام اللي يطفّي حنيني

قالت : هو الحظ ؟؟؟ قلت : دانة وبحّار !!!
........... إمّا ملكتك ... أو معك تغرقيني

قالت : تصدّق ؟؟ قلت: من غير ما اختار ...
................ أصدّقك من غير ما تقنعيني ....

قالت: أبوح ؟؟؟؟؟ وقلت : يلهمني أشعار
................ بوحك يعيّشني غوالي سنيني

قالت : أكيد ؟؟؟ وقلت : لابد .... باصرار !!!!
............... خلّيني أعرف : وين قلبك ؟؟ وويني ...

قالت : بعمري .. قلت : تفداك الأعمار ....
.............. قالت : بقلبي !!! قلت : كلّي املكيني

قالت : تعاهد ؟؟ قلت أنا العاشق البار ...
.............. دامي ضنينك ... فانت والله ضنيني

قالت: أجيك ؟؟؟ وقلت : يانور من زار ...
................ مع جيّتك كل السعادة تجيني

قالت : يدينك ... قلت : خوذيني إسوار !!!
.................... وحطّت يديها رعشةٍ في يديني

وتنهّدت ... وعيونها تنطق أسرار !!!!
............... قريتها ما بين روحي وبيني ....

حضنتها ....... لميتها ... ما ادري وش صار !!!
.................. ما ادري عن اللي صار فيها وفيني !!!

قلت : الحكي خليه يا شمعة الدار .....
................. أنا أفهمك قبل الحكي صدقيني

http://forum.upkelk.com/images/smilies/017.gif
http://www.shathaaya.com/vb/images/smilies/i.gif
http://forum.upkelk.com/images/smilies/017.gif