متى نشوف الغيث يردم سحابه= سيلن على سيلن ويقافاه رشراش
تبرق مقاديمه ويردم عقابه= من المخيط ليا طميه وعكاش
وليا استوى نبته وكلن رعابه= قلنا لهم من عقب الإثنين طراش
اشوف ابو تركي مولم زهابه=مع دلتين ونجر وبريق وفراش
نركب على جيبن مقدم حسابه= جيبن جديدن مطلعن بالثمن كاش
عليه خمسه من عيال الذيابه= كلن يقول الحق عندي ليا طاش
وان شاف جول الصيد عزل ركابه= طاح العشاء لو أكثر الصيد منحاش
توافقوا بالراي كلش قرابه= ارم الفراش وولع النار بقماش
في حاجرن راع الغنم مارعابه= من نبتته ماد وجت فيه الادباش