وهذا رد مانع بن شلحاط على الفراعنه


باسم رب البيـت ببـدا ولافيهـا كـلام
ومن بدى باسمه يعديـه للـدرب القويـم
=
ياسبيع أهـل المـروات عاليـن المقـام
يا أهل الأمجاد والصيت والذكـر المقيـم
=
أتشرف في لقاكـم ولـي قصـد ومـرام
ودي أسولف معاكم قبـل وقـت العتيـم
=
أفهقوا منهو تقلـط بكـم وأنتـم حشـام
ما يقلط فالنشاما سوى الزحـل الحشيـم
=
شاعـر الغلبـا تعـدا المنابـر فالظـلام
وين أبو شيبه ودسمان من ضيقة تميم
=
صح أنا عجمي وجـدي ورد بالـدم يـام
لو تميم أزراه عامر ضحك جـدي عجيـم
=
لكن إبدا الحق واجـب علينـا والسـلام
ومن سكت فالحق عـدوه شيطـان بليـم
=
والتفاتـي للهرابيـد مكـروه وحــرام
مير أفا ياشاعر الجن يا البحـر الطميـم
=
لاتجي هامة مضر وأنت ماتلبـس حـرام
ما يخالف خاتم الرسـل ياكـود الزنيـم
=
أمتدحهم خاتم الرسل فـي كـل المهـام
صفحة التاريخ ماغرهـا الرجـل الفهيـم
=
حنظله أخوه عمـرو" همـام مـع همـام
والرباب وسعد وقفة هميـم مـع هميـم
=
الاربعه تمسكـوا فـوق فعلـو السنـام
في تميم العود ويل أم من يجحـد تميـم
=
يا أبو خالد فابوظبـي المكـارم والكـرام
ياولـد زايـد والأيـام بأشباهـك عقيـم
=
أنت فوق الشعر ياشيخ وهـروج العـوام
فوق فوق وفوق مافوقك إلا قنوف غيـم
=
ويا أبو خالد في كويت المراجل والسـلام
أذنك أكرم من هـروج" يرددهـا شريـم
=
فعلك الطيب على صدرك السامي وسـام
تعرس بذكر المطانيـخ شينـات الحريـم
=
شاعر المليون منبـر معرفـه وأقتسـام
ينجح البارز ويبرى لـه أخـوه الغشيـم
=
داره محمد خلـف باحتـراف وبانتظـام
ثم تزعم فالبرامـج علـى يمنـا زعيـم
=
فارس المزروعي أرث قبل يرحـل هـوام
منهم محمـد إليـا خلـي الأمر الجسيـم
=
الضفـادع لـو تناغـق ماتثـر فالغمـام
تكرم العقـال مـن هضولة فـاه السقيـم
=