اقتباس:
المشاركة الأصلية كتبت بواسطة ساري
طبعاً وانا قصدت تزوير الاسم ونسب شيخ فخذ من الشيابين لفخذ ثاني
هذي حاجة مهيب هينه واذا رجعت لكلامي انا ماتطرقت للقصه او القتل ومادار فيها
انا مداخلتي كانت للاسم فقط وليس لغيرها
والله حاجة كبيره وانا اخوك هالحين تبيني اسكت وما اقول ان هذا فيه كذب وتزوير
يوم اشوف انك تنسب شيخ فخذ من الشيابين وتنصبه امير على فخذ ثاني
ان رضيته يالطيب انا ما ارضاها لوهي تمس فخذ من مطير بتسكت وتقول عادي حاجه هينه
وهذي حاجه مهيب هينه اللي انت شايفها صغيره
هذا تاريخ وانا اخوك وانساب مهوب خرابيط نت ومجرد كم حرف ينكتب وبس
وبخصوص اني ما افرق بين الموضوع والوثيقه
لا يا اخوي هالقصص ماتجي الا من وثائق تاريخيه
يعني افهم من كلامك انك ما اعتمدت بموضوعك على وثيقه وانه مجرد موضوع فقط للقرأه
لهالدرجه التاريخ والانساب شي هين حاله حال اي موضوع
ما اقول الا الله يهدي الجميع ويصلحهم
|
حيا الله العتيبي معنا
يااخي هذا التمسكن ليش
رجعت لردك وفعلا ملاحظة ابو مرزوق صحيحة وهي انك تحاول تعكير الموضوع ومحاولة التشكيك به جملة وتفصيلا ومقصدك ليس الأسم هذاي ماتنطلي على حمران النواظر
واعيد لك ماذكره ابو مرزوق مقتسبا من كلامك حتى لاينخدع غيري بكلامك ويعتقد ان مداخلتك من اجل تعديل الاسم فقط
((واذا دل هذا على شي فهو على التزوير اللي وقع في هالوثيقه ))
عموما حياك الله مرة أخرى وتراك تتعب اذا بغيت تلقى غلط على ابو مرزوق لأنه صدوق ولايورد الا من رواة عدول ولاتجد له قصة الا بقصيدها وشواهدها ونسبة ابن عديس الشيباني الى ذوي خليفة لاتغير في قيمة الموضوع الرائع جدا