ياللي على شانـك تحملـت الاتعـاب = وسهرت لك يـوم العـرب نايمينـي
ونثرت لك حبري على صفحه كتـاب = حتـى تمـلا دفتـري مـن يديـنـي
وقفت لك تقديـر واجـلال وأعجـاب = وحطيـت منزالـك مثـل والديـنـي
وبروزتـلك صوره على سود الاهداب = عنوانها وسط الهـدب نـور عينـي
وسميتك أغلا الناس واعز الاحبـاب = وليا غلطـت اقـول شمعـه سنينـي
حرمتني وصلك ولا اعلم مالاسبـاب = ولا ادري وش اللي صار بينك وبيني
من صرختي يابنت صم الحجـر ذاب = وانـا انتظـر قلبـك بعطفـه يلينـي
ان كان غرك هرج حاسـد وكـذاب = ياكثـر هـرجٍ عنـك دايـم يجينـي
وان كان طبعك ياأبيض الخـد لعـاب = والله مـا أتبـع واحــدٍ مايبيـنـي
بعز راسـي دام هالـراس ماشـاب = وامـا كـذا والا خسـاره سنيـنـي
ومادام كسبي فالزمن كفـن وتـراب = وش هولـه انـدم يالغـلا جااوبينـي
مما راق لي = الشاعر غير معروف