يا بيوت القوافي شرفي واستعدي=اكتبيني حروف وسجليني قصيده
اجمعي لي شتات الموهبه لا تصدي=صوريها معاني في البيوت الجديده
أعطي القاف قوه لا تصيرين ضدي=قوة القاف حطيها بجمله مفيده
جيت كلي قناعه ما تجاوزت حدي=كل قاف حشرته لان فكيت قيده
لا تبين خطا فالقاف ماهو بودي=الخطا لا كشفته والله اني ما عيده
كل قاف بلا معنى يصير متردي=نظرة العين دايم في هدفها بعيده
ما تراجعت عن مبداي لا وباح سدي=كلنا صف واحد في الهدف والعقيده
ياهل المعرفه لا جاتني ما تعدي=ودي احط بصمه والعلاقه جويده
التنافس شريف وفيه بعض التحدي=كان فرصتك جاتك قول فرصه سعيده