ياجر قلبـي جـر لـدن الغصـون ِ=وغصون سدرٍ جرها السيـل جـرّا
وأهله من اول بالـورق يورقونـي=علـى غديـر تحتـه المـاي يـرّا
على الذي مشيـه تخطـي بهـون ِ=وعصير من بيـن الفريقيـن مـرا
لاوالله إلاّ بالـهـوى هوجـرونـي=هجر ٍ بـه الحيـلات عيـت تسـرا
لا مبـعـد عنـهـم ولا قربـونـي=ولا عايـف منهـم ولانـي مـورا
وأكثر عذاب القلب يـوم سنحونـي=بيّـح بصـدري لـو بغيـت اتـدرا
لاضاق صدري قمت أباري الضعون ِ=كنـي غريـر بالدلوهـة مـضـرا
وقلبي عليه اشفق وتبكـي عيونـي=والحـال مـن ود الحبيِّـب تـبـرا
ياعزتالـي مـن تفـرق شطونـي=يعزالـي أرمـي بالسلـب واتعـرا
إن مت فـي خـد بعيـد انقلونـي=على هـدي الزمـل مشيـه تـدرا
إن مت في دافـي حشـاه إدفنونـي=في مستكـن الـروح ماهـو ببـرا
بين "النهود" وقد رووس القـرون =عـن الهبايـب مستـكـن مــذرا
ياليتـهـم بالـحـب ماولعـونـي=كان ابعـدوا عنـي بخيـر وشـرا
وإلا إنهـم يـوم إنهـم قربـونـي=خلونـي أقضـي حاجتـي واتـدرا
وياليتهـم بالـدرب مـا واجهونـي=وياليتهـم مـازادوا الحـر حــرا
وياليتهـم عـن حاجتـي سايلونـي=يـوم أنـي اقعـد عندهـم واتحـرا
ياليتهـم مـن زادهـم أطعمـونـي=انـا علـى زاد اليتـيـم أتـجـرا
الخـد بـرق فـي علـو المـزون=تقول بـراق مـن الصيـف سـرا
وقفـت عنـده شابحـات ٍ عيونـي=كنـي غـريـر باللهاوي مـضـرا