(6) [شليوح العطاوي] وربعه ^العتبان^ غزو ^البقوم^
يبون أبلهم تقابلو مع البقوم ودارت بينهم معركة وهزم الله [شليويح] وربعه
ورجعوا ^العتبان^ لديرتهم ورد [شليوح] قصيدة يقول فيها:
جينا مــع الطـــارف ســـــرايا تقادي=خيلن على أهلهـــا سراويــــل تومان
جـــيــــنـــا نبا مـــقـــرعــات التوادي=في واديا ساقه من الوســـــم ودان
الـلــه لايـــســـي جنـــابــــك وادي=واديا حــمــى جالك محــمــــد وقطنان
من كـــــــف محــمـــد يـركبن السنادي=وألي حــداهــن عن الــــدرب قطنان
أصقه ويجــــدر في نـــهـــار الطرادي=ومن لايشوفـــه مايـــصدق بما كـــان
من غب كونــــــه والقلايـــــع تقادي=بين العـــشـــاش وبــــين فية رمادان
= (7) ^قبيلة بالحارث^ غزو ^البــــــقـــــــوم^
يبون يسيطرون على ~جبل حضن~ كان في ذلك الوقت الأكثر تواجد في "جبل حضن" ^قبيلة المرازيق من البقوم^
بدأت المعركة بين ^المرازيق^وبالحارث^ ^قبيلة المرازيق^ قامت تنخا ^البقوم^
وفي ذلك الوقت البقوم كلهم في نجد والشمال باحثين عن الربيع العشب لايوجد في تربة ألا الخدم والعبيد وعمال المزارع
وكان [أبن غنام] في "الحرة" قريب من "تربة" وصله الخبر جاء
[أبن غنام] ومعه بعض الجذعان إلى "حضن" فلما نزلوا وادي تربة
ألتقوا باأمير ^قبيلة غامد^ [المكي] مرسول من ^بالحارث^
قال المكي: {ياأبن غنام اليوم خلوكم في تربة ألى أن يكتملون ربعكم وتروحون مره واحدة حتى تكونون يدا واحدة ضد العدو}
[المكي] يريد تأخيرهم حتى يسيطرون بالحارث على حضن!! قال أبن غنام وهو متردد: وأنا موافق
قام ولد [أبن غنام] أسمه [محمد] وقام معه بعض الجذعان وقوموا العرضة وقالوا:
ياأبن غنام لاتحرى من قعـــد=من بغى المرسام لابده يجـي
لانخيتنا فاأبشر باالســـعــــد=حطنا من حيث بقعاء تــغتلي
قال أبن غنام: {مشانا لارحم أبوكم} مشى [أبن غنام] هو ومن معه
يومها كان [محزم البقمي]محرم وراح [لأبن محي]
قال أبن محي: {أبك أنت محزم وش العلم أنت علامك محرم}
قال محزم: {أجل أنتم ماأحرمتم حنا محرمين دون ديرتنا أحرموا بالحارث يبون ديرتنا}
بعدها [محزم] أتجه "لحضن" عندما أقبل لأهل المعركة في طريقه واجهه بعض ^رجال بالحارث^
منسحبين من المعركة. قال محزم: {تعالوا تراكم في وجه محزم تعالوا في وجهي}
قال أحد بالحارث:
{يعرف محزم أبك أنحاشوا محزم ماله وجه}
قال محزم: {ياويلي عليكم ويلاه} هالمجموعة هذي عرفت [محزم] وهربت.
وإذا بواحدا ثاني لوحده منسحب من المعركة قال محزم: {ياولد عود في وجه محزم}
قال: {جيتك يامحزم تكفى يامحزم}
قال محزم: أبشر بالسعد. عندما وصله مسكه وشال به فوق وضربه وقطع راسه قال من حول محزم من البقوم:
{يامحزم أنت ماأنت مدخل الرجال في وجهك}
قال محزم: {تدرون أن خاطره أوسع من خاطري}
قالو: ليـــــه؟
قال محزم: {هوخلاص راح عن الدنيا وأنا متلقيها والله يكفينا شرها}
أستمرت المعركة بين الطرفين وأنتصر فيها ^البقوم^
وقتلوا ^بالحارث^ وطرودهم من ديرتهم وقتها قال مغني البــقـــوم:
يـــــوم شار مشيرنا شدانا=هم نزلنا على محــــلــــوق
أربعين ألي وطت رجــــلانا=بالقديمي وأشهب المسحوق
ــــ {أبـــــــل البــقـــوم} ـــ
البقوم أهل الأبل الأصايل من قديم الزمان وفي الوقت الحالي
وقد حققوا في هذا الوقت في مزاين الأبل باأنواعها مراكز جيدة.
وهناك أناس معروفين باالإنتاج المتميز ويفدون عليهم في وقت الهداد من جميع القبائل أناس ليضربوا أبلهم.
وقدحدثت قصة قبل فترة وجيزة في أحد مجالس الأمراء ساأرويها عليكم:- دار السؤال في أحد مجالس الأمراء فسأل الأمير أحد الحضور من ^قبيلة حرب^ البـقـــوم أهل أبل؟ فرد الحربي قائلا: ماأظن ياطويل العمر أن _البقوم أهل أبل.
فوصل الخبر أحد أفراد ^قبيلة البقوم^
فرد [البقمي] على [الحربي] قائلا:
يالي تسولف والسـوالف تـبـاها=غادي ولا تدري وش ألي وراهـا
ظهور الســـواني عزوتي يالحريبي=قبـــيـــلة ماأحدا يجي في نحاهـا
سمو البــــقـــوم ألي تضد المعادي=حنا الزحــول ألي تحمي دخلاهـا
شمس على الأعـداء ونار لظية=وظل على الأصحاب يذري ذراهــا
عـــدونا ماتهتني النــــوم عينه=كعام العــــدو حنا وعيـنه عماهــا
يوم أنه بالسيــف حنا هل الأبــل=نحد الــعـــداء عنها ونلعن ثواهــا
وأليا غزينا في قـــديـــم السنيني=منت بــتجي في دربـــنــا وتحماها
وقبــيـــلتــك لامن خــذينا حلالهم=مـــامنهم ألي لحقنـــا ثم خذاهــا
وش قالت الحربـــية ألي تغني=يوم أبن عـــمــــاق ذودها أقتفاها
ولحقوا بني عمك على الخيل عجلا=وخيــبـهم الله يوم لحــقــوا وراهــا
يوم أعتزى العــــمــاق منا وفينا=روس الحروب السيف بيده وطاهـا
ويوم أنها جت بالدراهـــم شرينا=بخشم الريال خيـــارهــا مشتراها
وخذنا الـمـراكـز الأولـــة فاالمزاين=يوم أنها بالـــعـــدل عند أحكماهـا
ويوم أنها جت بالرشاوي وغيرها=حنــا تركنــاهــا وللــي يباهـــا
كب السوالف عنك وين أنت رايح=الله يـــعــز الــمـمــلــكـة ويحماها
ويعز حكام الوطــــن في وطنا=آل السعود المملكة في حماهــا
وتمت وصلى الله على أللي=هدانا وذكر الــولــي فاالمبتدأ ومنتهاها
وهذه قصيدة مهداه إلى جميع قبائل البقوم
من الشاعر: {عبدالله السالم العتيبي}
عسى السحاب ألي مع العصر ركز=تنشي مخايله على أرض عزازي
على حضن جعل السحاب يتفرز=يسكر هـــــواه وللديار يتوازي
يسقي ديار مانسى جهلهاالــعـز=دار البــقـــوم مطوحين المغازي
خيالهم باالحرب ماهوب يـهتز=يهز خصـــمــه بااللقـاء مايهازي
سموالبـــقـوم ألي تكز العداءكــــز=تروي ضما أللي للحرايب ينازي
كم فــارسا من أرماحهم ماتعنز=من كــف غــمــرا واثقا باأمتيازي
والسيف الأرخم من ضلوع العداء جز=من دون وضحا مارعاها الخنازي
أعلامــهــم تعتز ولاهيب تهتز=والروس ترفع للـــعــلاء باعتزازي
ذولاالبقوم أليا اركبوا الخيل تعتز=والله جعـلــهم للمــعــادي نحازي
¤¤¤¤¤¤¤¤¤¤¤¤¤¤ أنــتــهـــى..
وفي الأخر لايسعني ألا قول ونعم بجميع القبائل العربية
من دون أن أخص أحد بعينه كل قبيلة لها أفعال وأمجاد ترفع روسها
والان والحمد لله بعد توحيد المملكة صرنا اخوان ونسايب وقرايب
وكلنا يدآ واحدة ضد اعداء الوطن وكل ماذكرته
قليل من كثيروبأختصار للتعريف بقبيلتي
(( البقوم ))
وباأمجادهم وأفعالهم
وأعذروني على القصور
أخوكم
مؤسس منتديات المرازيق
عبدالله شاعي المرزوقي
أبو متعب