أشوف ملفي والدجيما يغنون=قصيدهم دايم يجيك برواقه
من حب تلعات الغنادير يشكون=كلاً ذكرله في القصايد عشاقه
من شوفت المزيون دايم يونون=للي على جسمه تبين الرشاقه
العلم لو إن الحيليلات يدرون=لونها مزحه بليا علاقه
وأن هملن ورعانهم وش يسون=كله من أسباب البيوت الرقاقه
ماهو ردى فـ الربع والكل يدرون=شعار وأيضاً من خيار الرفاقه
لكن غيرات الحيليلات بجنون=اليا ذكرة الحب جاهن حماقه
والحب وقته راح يالي تحبون=للي مع البدوان وتسوق ناقه
أتلاه يومن القبايل يشدون=قبل الحريم يطالبن السواقه
وعزي لمنهو فالبنايات مسجون=صار الهوى فـ البر عنده شفاقه
وسلامة الجميع