ياهاجس الشعر جاوقتك وحان اللزوم = عطني جزيل الكلام وخل عنك الهزال
اليوم انا من كثير الناس جتني علوم = سوالف(ن)من رداها تافهه ماتقال
والي يروج لها شلة ضعوف(ن)رخوم = يالله اناطالبك تصيبهم بالزوال
والا رجال الوفاءماينكرون السلوم = يحرمون الحرام ويعرفون الحلال
لايابن جبرين ياشيخ العبادل عموم = شيختك بالماضيات وباقيه لاتزال
اخذتها غصب بالشلفا وزرق السهوم= غصب(ن) على الي يدور للفتن والضلال
فعلك ورايك تفاخر به ثلاث الجذوم = وضربتك منها يطيرن الكلى والطحال
يوم ان غيرك ينصّــب بالرتب والختوم = انتم بالامجاد اخذتوها على كل حال
انتم شيوخ العبادل لوتطول العلوم = والشك زايل وغير العلم هذا محال
وحنا على جنبك الايمن سوات الحزوم= حنا العبادل رجالك من خيار الرجال
نفخر بكم من هنا لين القيامه تقوم = ياعيال مبلش هل الطاله كرام السبال
والي يحاول يفرقنا عسامايقوم = عساه يفداك ياشيخ الهمم والخصال
الشله الي دعاويهم عليهم شئوم = رويبضه مالهم بالمجد فعل(ن) يقال
والقافله سايره لو الحوايم تحوم = ماهمها كلمة التافه قصير الحبال
العلم واضح وضوح الشمس مابه غيوم= وبعض التخبط ترا ياناس ماله مجال
والي تحلم يزور مفسرين الحلوم = ويصحى من الغفوه الي توصله للهبال
يانايم اصحا وطالع للسماء والنجوم= اسلك طريق الصحيح وخل مشيك عدال
ماانته مغير حقايق لوتطيح وتقوم = لكن في هالسوالف لايطول الجدال
والله يطول عمار اهل الهمم والعزوم= الي ذراهم يذري من قديم الليال