== تصــــــــــــــــبح على خـــــــــــــــــــير ==
كُتب : [ 24 - 01 - 10
- 01:22 AM ]
طيفك مسامرني وتصبح علـى خيـر
ماتدري أنك عندي أغلـى الطوايـف
ماخطيت في حقك وسقـت المعاذيـر
ومادامني ماخطيت ويش أنت شايـف
قلها على وضح النقـى دون تبريـر
وأكيـد مابينـي وبيـنـك كـلايـف
أن كانهـا بالـحـب والله ماغـيـر
حبك سكن بيـن الضلـوع النحايـف
وان جيتنـي تلقـى معـزه وتقديـر
وان غبت عني ذقت مـر الحسايـف
يامـا علشانـك طويـت المشاويـر
وياما رفعت الصوت فـوق النوايـف
أمرك علي مطـاع ولعينـك يصيـر
لو سقت روحي جعلها لـك خلايـف
يامعطـي الدنيـا بشوفـك تباشيـر
العمـر رحلـة والليالـي ردايــف
عبرت لك من صادق الحـب تعبيـر
وكتبت لأجلك مـن جـداد الطرايـف
هذا هـو إحساسـي الأول والأخيـر
خليت لك شـرد القوافـي عسايـف
قلبـي علشانـك يحـب المحـاديـر
الغرب صار الشرق والشرق طايـف
بحر الخليـج اللـي يـدف البوابيـر
شرعت لـه بابـاً بقلبـي مسايـف
وغصون قلبـي لايفتهـا المعاصيـر
وربيعهـا بيـن البحـر والحتايـف
في دوحةُ في جوها يصـدح الطيـر
مصياف قلبي غيـر كـل المصايـف
الحص و اللولـو وزهـر النواويـر
وتفاحتيـنً مـع بعضهـن ولايـف
من شانه أزعل وأرخص الروح وأغير
ولاشفتهـا مـا للسعـادة وصايـف
أعيـش معهـا مبعـدً كـل تفكيـر
صفحة غلاك تكـف كـل الصحايـف
للشاعر / عبدالله بن راجس
|