المحاورة بتاريخ19/2/1431هـ

عايض الحريص
من هجوس الشاعر اللي لن كتب وإن كان واجه=السـلام يقدمـه للـي لهـم حـق السـلامـي
صاحبي ملفـي مـع الشعارمايعقـد حجاجـه=له مع الشعار بصمه وأخذ(ن) معهـم وسامـي

ملفي الميزاني
مرحبا ترحيبتن من شاعرن رايق مزاجه=بالرجال اللي لهم قدر ومكانه واحترامـي
صاحبك ملفي سروره يالحريص وابتهاجه=لالقا له شاعرن يمشي على سير النظامي

عايض الحريص
كل واحد قبل مدخاله يفكـر فـي خراجـه=وأنت ياذاك الإسم معروف من بين الأسامي
كل خط(ن) مزدوج حاسب لياجيت إزدواجه=أنت مغرم والعرب ماتوا على درب الغرامي

ملفي الميزاني
وكل واحد عند دكتوره يفتش عن علاجه=هب نسناس البراد وبشروا لي كل ضامي
ياموصيني عسى بيت الشعر يكفي سراجه=لاتهقوى فالظلام تطيح في وسط الظلامي

عايض الحريص
علم المرضان بالدكتور مالي فيه حاجـه=كان عند أهل تهامه طب من حظ التهامي
وأكثر الأسواق ياملفي ولو لجلج حراجه=مانقول إنه حلال ولا نقول إنه حرامـي

عايض الحريص
راعي الضلع العوج وشلون يجرفك إنعواجه=وأنت كنا حاسبينك فاللقاء ضـد الزلامـي