قالوا يحبك قلـت هالشـيء مشهـور
قصة هوانا كم بها يـدروا أشخـاص
و انا في كل شيء فيه بالحيل مسحور
قلبـي هـدف مطلـق و الأخ قنـاص
سكناه ماهي وسط فيـلات و قصـور
ساكن وسط صدرن يملاه الاخـلاص
أحيان متواضـع و أحيـان مغـرور
جنـن عبـاد الله الدانـي و القـاص
في منتدى حبـي كـل شء محضـور
رسايل الـزوار و رسايـل الخـاص
ألا رسايل مـن خجـل منـه النـور
هذي أثرها خاص جدااا يـا وقـاص
إذا بغـى حاجـه مايلـف و يــدور
لنه في بحر الحب غـواص/ غـواص
و أشلون أنا م / أعطيه و القلب مأسور
و انا إذا أمرض أخـذ لـي أقـراص
من خـده الناعـم و عيونـه الحـور
و إذا زعل يرمي هالصدر برصـاص
أستقبـل رصاصـه و أقـول معـذور
و أهدي له باقة ورد و حلوى بمصاص
أهم شـيء عنـدي يعيـش مسـرور
لاحد يجي صوبه هذا طلـب خـاص
مجبور أحبه مـوت أي و الله مجبـور
أنا أسيـره بـس مـن دون أقفـاص
م/ن