.
.
بعد مامرت سنين ..
وزاد في دمي الحنين ..
قلت : أبمر الأماكن..!
أشتهي غبــآـآآر المساكن ..
كانت اللحظة جنون ..
وكان فيني الشوق ساكن ..!!
.
.
ورحت لملمت البقايا ..
والشظايا ..
بكتب آخر فصل تحويه الحكايه ..
.
.
وفي مسافات الطريق ..
كنت في الذكرى "غريق" ..!
.
.
وانتهت فيني المسافة ..
وابتدت غربه ومخافه ..!
.
.
جيت حييت المدينه ..
اللي عنها رحت طفله ايدي في ايدين أمي
جيتها وفي يديني همي ..!
.
.
وللأسف كل شي خذلني..!
المكان اللي حضني ..
هو نفسه اللي رفضني ..!!
.
.
ليه تنسى يــآآآ مكــــآآن ..؟!!
خفت
ضيعت الأمان ..!
.
.
صار اللي ماهقيته ..
وين بيتٍ وآنا طفله قد بنيته ؟!
وين إحساس زرعته وماجنيته ..؟!
تهت .. ضيعت الهدى ..
صحت فيهم ..
" منهو فيكم شاف بيتي ..؟! "
ومايرد إلا الصدى ..!!
وتمتماتي: " ليتني ماجيييييت ..
ليتي ..!! "
.
.
" هــآآهـ أختي .. وش بغيتي ..؟! "
التفت ..
ماعرفت إلا العيون ..
وصوووووت عمرهـ مايهون ...!!
قال: " ساارهـ ..؟ "
"والله دنيــآآآ "
" ماعرفتيني ياسارهـ ..؟ "
" أنا اللي عنك أدافع " ..
" وأتبعك في كل حارهـ "
.
.
اختلط حزني وفرحي ..
همس صوته هد صرحي ..
وتوهـ يذكرني المكان ..
وتووهـ يرجع لي الزمان ..
وتوووها تحلى الحكاية ..
وابتديت أكتب بداية فصل عنوانه (النهاية) ..!
.
.
" هاهـ سارهـ ..؟ "
" وين صرتي ..؟"
" قبل ماأنسى .. "
" هذي مرتي " ..!
" ذي فلانه..تعرفيها ..؟! "
"بنت عمي اللي كنتي لما نلعب تطرديها " !!
"صح صغيرة " ..
" بس وربي إن غلاها بوزن ديرة " ..!!
.
.
" تدري سارهـ ..؟!"
" وربي في (مرّهـ) ذكرتكـ .. عند بابكـ "
" إلا بسأل :
وشهو جـآبــك " ..؟!!
.
.
(( وشهو جّ ـابك ..؟!!! ))
.
.
هالسؤال اللي صفعني ..!!
ابتسمت له بثقل ..
وقلت: أوراق وشغل ..
ورحت أمشي بكل ثقه ..
كني أدري لوين أمشي ..
والله .. مدرررري ..
.. انتظرته يقول .. "بدري" ..!!
.
.
بس رآآآآح ..
ونصل حرفه في الجرآح ..
.
.
وانتهت فيني المسافه ..
وكل شي أعلن جفافه ..
وانتهييت ..
وأنا تووووي ماابتديت ..!
.
.
وانتثر حبر الحكــآآآيه ..
وانلغى فصل (النهــآآآية) ..!!