اليا طرالي كاسب العز والطيب=نايف على اسمه كالجبال النوايف
اقول انا يامرحبا عد ترحيب=بابن الرجال مخضبين الرهايف
هذا ولد عمي حصان الاطاليب=اناشهد انه بالفخر دوم نايف
اليا طرا ذكره بوسط الاجانيب=كلن يقول النعم ماهي حسايف
لانه كفو وحصان طيب مجاذيب=هذا ولد من هو له العز كايف
طلع لابوه اللي يعرف المواجيب=هو راعي الفزعات والكل شايف
علي لعل الله يرحمه بالغيب=يسكنه بالجنه عظيم الوصايف
واليوم نايف نفتخر فيه ونجيب=اسمه عشانه للردا صار عايف
اناشهد انه كاسبن بالمكاسيب=فعل المراجل لاردفها ردايف
اليا نخيته جاك فازع كمالذيب=ذيبن على ضين البدو صار حايف
اسرع من الطلقه ليا جات متخيب=من بطن بلجيكن تصيب الهدايف
هو راعي النخوه ولا به عذاريب=في قمة الامجاد عالي وهايف
له فزعتن تشفي كبودن معاطيب=له جاه يدركبه جميع الطوايف
عزالله انه وافين بالاصاحيب=وانه خليفه للزحول السلايف
واليوم له مني تحيه بتهذيب=اعداد ماطاف الحرم كل طايف
واعداد مابانت لنا الشمس وتغيب=واعداد مصطاف المسافر مصايف
واقول ياربي تعزه على الطيب=وانك تكافيه الشرور الصدايف