جيتك وانا من لوعتي كلي احزان = جيتك مابيك تذلني وتهزمني
جيتك وانا كلي مشاعر وحرمان = جيتك وقدّر موقفي واحترمني
تراي ماجيت متحسف وندمان = مشاعري لاجيت فيك تحكمني
تصير معي وتنقلب ضدي احيان = واحيان كن الوقت يمك زهمني
اصبر واقول الوقت يرجع كما كان = ابني طموحي والسنين تهدمني
خايف يثور بداخل الصدر بركان = ياوقت جيتك ضمني واستلمني
اصارع الدنيا على كل ميدان = حتى زمان المعركه ما رحمني
لو اشتكيت ورحت لحقوق الانسان = مظلوم ماني عارف[ن] من ظلمني
تايه بسكه مالها ايات عنوان = مصيبتي لجيت محد[ن]فهمني
حطيت بصمه ثابته لي على شان = يعرفني التاريخ قبل يخدمني