بـاالله غيـر عـن قنـاة الذهبـيـه=ترى يابوبندر مالي خلـق الاغانـي
مدام انا اعيش قصة حـب فطريـه=خلوني اترجـم احساسـي بقيفانـي
الله يسامحك ياملـح الـرو مانسيـه=ماكن ربي خلقـك إلاعلـى شانـي
مع إني فقير واضروفي المعيشيـه=احيانا تردني عـن وصـل خلانـي
لكنـي اقـاوم ظروفـي بجـديـه=واحب من كل احاسيسي ووجدانـي
كلـه لعيـن الهنـوف الارجوانيـه=اسكرلهل شوق لو ماني بسكرانـي
فديتهـا اللـي ملامحهـا طفوليـه=سنيورة ن ترخص الغالي على شاني
حلـوه دلوعـه وملعونـه وعفويـه=ماهي بكلي ولكـن نصفـي الثانـي
احيانا تحبنـي مليـون فـي الميـه=واحيانـا تمـر جنبـي وإتعـدانـي
ماكنـي عبـدالله ولكنـهـا هـيـه=ولوقلت انا افلان قالت ماانت بفلاني
ماقصدهـا شـي لكنهـا مزاجيـه=على حسب خلقها وصلي وهجراني
إذا لهـا خلـق ضمتنـي بحنـيـه=وإن مالها خلق خلتني علـى مانـي
احبهـا مـن وانــا فاالابتدئـيـه=تخيلو من صغر سني وانـا اعانـي