ماطلبتي شيء يانزف المشاعر=الحقوق أكبر من اللي تطلبينه
دام هاجوس الشعر والفكر حاضر=ليش ما أقول أبشري باللي تبينه
مدحة الطيب نسوق لها البشاير=مثل عبدالمحسن الله لا يهينه
واحد(ن)يتعب لحمران النواظر=كل شعري من فدى خشمه وعينه
مايحسب ويش ضاع من الخساير=مرتكي للحمل وضلوعه متينه
حر متسلسل من أحرار(ن)نوادر=الحفيد اللي جدوده جاذبينه
فعلهم يوم المهند والذخاير=نجد خابرته وأهلها خابرينه
كاسبين النعم يوم الوقت جاير=يوم بعض الناس قاصرت(ن)يدينه
ومنتدى النخبه ينومس كل شاعر=ياعسى من صممه تسلم يمينه