ريح الخزامى والنفل والرياحين=باقة ورود معطرة من حلاها
غيمة فرح لاحت وراحت على وين=ساقة شمال وبرقها في سماها
تدرين بالي منشغل قبل يومين =واليوم وصلت غايتي منتهاها
فيض الدموع وشاهده محجر العين=وغيض القلوب العاشقة من عناها
تبقى الحقايق في سطور العناوين=صفحات شعرٍعاليٍ مستواها
تلقى قصيدي في جميع الميادين=في ساحة الشعار يبقى صداها
زرعت حبك في رياض البساتين=ورياض شوقي عانقت نبت ماها
فيها الغلا وفيها الوفا بالوفيِن=والمقفية تقفي على مشتهاها
هذي ظروفي كلها بين قوسين=يالي ظروفك مالحقنا مداها
والحين باقي كلمةٍ بين حرفين=للعاشق الي حاجته ماقضاها
كلمة ومعناهايجي بين شكلين=نقطة تحول يعتبِر من وراها