اقتباس:
المشاركة الأصلية كتبت بواسطة الحميدي بن فارس الميزاني
ياصاحبي وش فيك عنـي تغيـرت
نسيتنـي يـوم اخلفتـك الليـالـي
إلى طرا وقت (ن) مضالي تذكّـرت
يدق بي هاجـوس ويضيـق بالـي
مااقوى الصبر من دونكم لو تصبّرت
اللّه يعين اللي مـن الوقـت مالـي
قلت الكلام اللـي بقلبـي وعبّـرت
لو غبت عني صورتك في خيالـي
ماتـدري أنـي لاذكرتـك تأثـرت
عاقل ولا طريتـك يجينـي هبالـي
ماجتني الدنيـا علـى ماتصـورت
بين العرب كني وحيـد(ن) لحالـي
صارت حياتي عندكم مالها كـرت
أكبر خساره ضاع فيـك احتمالـي
واليوم يـوم أنـك عليّـه تكبّـرت
أقطـع علاقاتـك بـدون إنفعالـي
هذا مصيرك وانته اللـي تخيّـرت
ماعاد لك قيمه عقب ماانـت غالـي
مسحت حبك من خفوقـي وقـررّت
هذا جوابـي لا طرحـت السؤالـي
ماعاد ينفعك العـذر لـو تعـذرت
القى بدالـك وانـت تلقـى بدالـي
صح لسانك أخوي الحميدي بن فارس الميزاني