مرت تخطا كنهـا تشبـر القـاع
تقول داعيها من الشـوق داعـي
ياكن مشيتها على طق الاصبـاع
قايد وسط جنده مهيبن مطاعـي
ام العيون الناعسه سوود ووساع
بنص نظـره للخلايـق تراعـي
لزين هي مصيف ومشتا ومرباع
زينن طبيعي كب عنك الصناعي
من حسنها كن الحلا وسطها ضاع
الله عطاهـا والصبايـا جياعـي
فيها الحلا كوكتيل بشكال ونـواع
لياحضرة معـاد للـورد داعـي
نهيت عنها القلب لااشك ما طـاع
وبديت معها رحلتـي للضياعـي
ليل وسهر وهموم وشواق ووجاع
شوقي لها كافر ويلوي ذراعـي