الشاعرذويب بن صقر بن صلال الميزاني رحمه الله عليه , حصل علي الشهاده الجامعيه في مجال التخصص العلمي في الاحياء الدقيقه توفي 21 / 9/ 1417هجري , وكان يسكن بلدة الركنه .
وهذه القصيدة نشرت في مجلة المختلف قبل وفاة المرحوم بمدة بسيطة , وقد توفي شاباً رحمه الله .
ونقلت القصيدة والتعريف بالشاعر رحمه الله كتابياً من أخيه الشاعر ذياب بن صقرالميزاني .
سحر الشر ق
ياقدرة الله مامعي فيك قدره = كل الخطى مايدركن الخطايا
امس انتهي والبارحه مثل بكره = واليوم ماتنحل كل القضايا
ياهاجسي لوكل مخلوق يشره = والله مايبقى لحبي بقايا
قومي ولابالك يجي فيه كسره = ارضي غرورك بين كل الصبايا
انسي تناسي جربي كل فكره = لفي مساك ورفرفي بالملايا
جري بساط الصبح ضيعي بصدره = وغيبي تراكم بالحلا..ياحلايا
لمي شتاتي وأرفقي يوم نثره = وذوبي وزيدي عند سرد الحكايا
لاباس والغايب يجي معه عذره = يلفي وعد والانسوق العطايا
انا الوفاء لو الوفاء بان غدره = في كل عهد ابديت حسن النوايا
وانا الصبر لو الصبر مل صبره = والصبريكفي فيه كل المزايا
جاملت وقتك بين وصله وهجره= ونثرت حبك في جميع الزوايا
لوغبت عن عينٍ تبي منك نظره = القاك مابين الضلوع الحنايا
بالا لف مثلك مايجي نصف عشره= ولالامست يمناي مثلك هدايا
الشرق ياخذ من تهاديك سحره= والغرب يلقى فيك بعض السجايا
البحر يشبه فيك مده وجزره= حتي النخيل اكثر شموخه مرايا
الورد لوتدرين اخذ منك عطره= ولقيت فيك اكبر سبب للمنايا
وياقدرة الله لو معي فيك قدره = ماصرت انا الاول وتال الضحايا