هلا مرحبا في حلـة تكـرم الخطّـار=عدد نو صيفـاً فيـه راعـد وبرّاقـي
وجيه النشاما جات من كل صوب ودار=وحي الله الحضّار في المحفل الرّاقـي

لعل البقا بالدار واللي نزل فـي الـدار=وأنا يوم أخيل البرق واقف على ساقي
يا عبدالحميد أسمع علوم العباد أكبـار=حسب ما سمعت أنك من آخر عدد باقي

ليا كان قلبك فز مع طاري الأمطار=ترى غير عشاق الهوى ناس عشاقي
أنا خابر أن البدو تنشد عن الأخبار=ولاني مخفّي عن صديق وصداقـي

أنا أشفق على المسند ولا أشفق على المحدار=ليا زانـت أخلاقـي ليـا شانـت أخلاقـي
أنا بعتبـرك أنـك مسلسـل عمـر مختـار=ولانتـه مكلـف بيـن لامــاي وفـراقـي

قوي العزيمه لو يذوق الصبر صبـار=ودنياك كم فيهـا مـدور وكـم لاقـي
أبا قول حر اللي قرى سيرة الأحـرار=ولو كان عايش في زمن خلط الأوراقي

يقولون طافي نار ماهـو مولـع نـار=مصادر خبر ما بين عالـي وزرّاقـي
مع الأوس والخزرج لقينا ثلاث أنصار=على عهد كله ممتلي شـرك وأنفاقـي

ليا زالت الأثار مـن هرجـة الثرثـار=يقولون بعـض السـم للسـم ترياقـي
قد أكرمهم الله وأصبحوا فاتحين أمصار=وعرق العرب سيطر على كل الأعراقي