يامل قلبٍ يتله بالهوى خِله =(تل الرشا من شفا مطوية الجالي)
الغالي اللي حديثه لي ما أمله =مثل العسل يوم اذوقه اطعمه حالي
شمالي الاصل والا الفصل مادِلّه = الا ان ذوقه خذى قلبي يورى لي
ماغيره احدٍ سطا بالقلب واحتله =جرحين من سطوته دائم على بالي
الجرح الاول بعيد ديار ما اوصل له =والجرح الاخر غلاه اثر على حالي
اثر الهوى لاتمكن علته عله = ماله علاج ان فقد لمواصل الغالي
من بعد فرقاه صارت حالتي لله = مجنون صاحي ولا اسمع شور عذالي
والقلب تلعب به الاشواق وتله = والشوق حره يشادي لاشقر اللالي