( تابع ) تغطية الحلقة الأولى
قصيدة الشاعر / محمد بن عبدالكريم الغرابي الحربي , الحاصل على المركز الثاني من ضمن شعراء الحلقة الأولى في المرحلة الأولى .
وقصيدة قريبة من موضوع قصيدة خالد القحطاني الا أن قصيدة القحطاني فيها اعلان الترفع عن هذه الصداقة لأن حبلها أنقطع , بينما قصيدة الغرابي نجده يبعد ويقرب في هذه الصداقة ولايزال يراوده الأمل الكبير ولكن يذكر بعض مايلاحظه على من يوجه اليه القصيدة , وقصيدة أيضاً تحتوي رسالة صداقة جميلة في لغة شاعرية عذبة ومحكمة :
ماجور ياجفـن ٍ جفـاك الرقـادي = شفت السهر وشلون غير ملامحك
توجر ترى لوالسهر فيـك سـادي = خل السهر للي هوا السهر يشرحك
الجرح من ناس ٍ بعيديـن عـادي = القهر يوم ان اقرب انسان يجرحك
لابديت له قدره بـدا فـ التمـادي = وامن الغرور ابملمح العين يلمحـك
لاصرت تدرى خاطره با جتهـادي = اللي بقلبـه بـه لسانـه يوشحـك
يابن الحلال اعقل ترى القول زادي = اليا متى تطعن بظهري وأسامحـك
يا الاجودي لايطول معي العنـادي = ماني بعاجز من عيوني لاأطيحـك
انا صديقـك وان تحـداك حـادي = ونصيحك المخلص بفقدان ناصحك
وحرن على كفك بوقـت الهـدادي = مضرب مخاليبه جزيلـه تفرحـك
بس انتبه واسمـع كـلام المنـادي = اللي دعاك وبالحقايق امصارحـك
وليتك أتغيـر خفتـك بالركـادي = ولايغرك اللي منسدح ميتن ضحك
ضحكه ترى له قصد فيك ومرادي = ليا حقق اهدافه بيسـراه طوحـك
وانته لو اعتزته ضرب فيك وادي = اليا اغتتى مايعرفك لـو يناطحـك
لو أنت صياد الكواسر تصـادي = وتبلش بعمرك من يعالج جوارحك
وإنسان ذا فعلـه جـزاه البعـادي = وتعويض عرفه في عزيز ٍيصافحك
وانشد ترى النشّاد ما قيـل غـادي = أسأل وتلقى مـن يدلـك مصالحـك
ركز وفرّق في بيـاض وسـوادي = ربن خلقك أعطاك عقلٍ يرجّحـك
ما قلت لك عندي عليـه استنـادي = وأختر لنومك جنبك اللي يريحـك