المرحلة الرابعة "
س1/وجبتك المفضلة؟
الحمد لله على النعمة .. والله مافيه شي معين ..
أهم شي لقيمات يقمن صلبه كما قال الرسول الكريم ..
س2/ حادث صار لك بالمطبخ لاسمح الله ؟
أووووووف حدث ولا حرج .. تخصص حوادث الله يبعدها عنكم ..
أول حادث وانا تقريبا بثالث ابتدائي ..
في رمضان .. كنت اقلي اللقيمات الله لايعودهن من لقيمات .. تفقعن والزيت احرق وجهي .. عاد بسم الله علي تحملت و كملت شغلي ثم رحت لغرفتي وجلست ابكي من شدة الألم طبعا اهلي مادروا باللي صار لي .. ونمت يوم جاء الفطور شافوا وجهي متشوه وعرفوا بالسالفة .. ورفضت أروح للمستشفى " خوافة " ع الرغم من أن حالتي صعبة
والحمد لله بعد 7 سنوات راحت آثار الحروق ..
الحادث الثاني " قبل حوالي سنتين كنت اغسل المواعين وانكسر كاس بيدي وجاها نزيف .. خذوني للمستشفى غصب وخيطوا يدي .. والحمد لله ع كل حال ..
حادث آخر .. مرة السلك المعدني الناعم حق المواعين انغرست قطعة منه بإبهامي منظره مؤلم دم ولحم وسلك ماتتخيلون كيف كان شكله .. ماقدرت أشوفه ولا اطلعه من اصبعي .. غمضت وجلست أصارخ أبي أحد يفزع لي .. خواتي الكريمات جو يوم شافوه انحاشوا من الرعبة .. وتركوني غارقة في دمائي .. امي ماكنت فيه .. جلست ابكي لين امي فديتها جت وطلعتها
..
ومرة مسوية صينية خضار بالفرن جيت باطلعها وزلقت من يديني وطاحت ع رجولي . بس الحمد لله كنت لابسة شبشب ههههههه اصابات بسيطة .. ياحسافة شغلي وتعبي انكسرت الصينية وراح اللي فيها هباء منثورا ..
ماعمري طلعت من المطبخ سليمة .. لازم حرق ولا قطع بالسكين ولا قصتي محترقة من النار هههههههه ..
س3/طبق تحبين تسوينه كثير؟
الجريش والسليق .. والأطباق الشعبية عموما ..
س4/متى تعلمتي الطبخ؟
منذ نعومة اظفاري .. قبل ادرس كنت مع امي أشوفها وهي تشتغل واساعدها بأشياء بسيطة .. او أوقف على الطاولة جنب القز وأحمس عنها البصل ولا أحط شي بالقدر ..
وتقريبا وانا بثالث ابتدائي عرفت أطبخ كبسة إيدام قهوة شاي وبعض الحاجات ..
س5/موقف طريف صار معاك في المطبخ ؟
مو طريف .. محرج .. أحيانا أحس عقلي مو معي ( اللي ماخذ عقلي يتهنى به ) ههههههه
أصب الشاهي ع الهيل في دلة القهوة او العكس اصب القهوة على الليبتون في البراد ..
ولا يصير معي شي بحطه في الثلاجة وأروح احطه بالدرج ( اللبن الله يخلف علي حاطته بالدرج ماكتشفوه إلا بعد يومين هههههه )
ومرة كنا بنطلع للبر طلعة عصرية ع السريع بجهز اغراض العزبة .. من زود العجلة شلت علبة الماجي الابيض بدال علبة السكر لان علبهن تشابه ..
عاد صلحوا ذاك الشاي المحكور على الجمر يوم ذاقوه حدث ولا حرج ههههههههههه
مانتبهت إلا عقب ..
صراحة احراج مع الاهل ..
س6/ هل يعتمد عليك في إدارة المنزل بشكل عام عند غياب الأم ؟
الحمد لله ..
نديره مع الأم و في غيابها بعد ..
س7/يعتمد عليك في الطبخ خاصة أو لا؟
الحمد لله ..
س8/ اول كتاب طبخ او برنامج أو موقع اعتمدتي عليه في الطبخ ؟
اول كتاب كان قديييييم مررررة .. كتاب طبخ لبناني اشتهر ذاك الوقت .. بعدين كتب الطبخ في المدرسة ومن ثم التلفزيون ومواقع الإنترنت ..او من الصديقات ..
س9/ تحبين أحد يساعدك في شغل المطبخ ؟ او تحبي تكوني لوحدك ؟
إذا كنت أطبخ لا والله ما احب احد يدخل معي .. احس يشوش علي ويخرب علي تركيزي ويعيق علي الحركة ..
وإذا أصلح شغل ثاني عادي بس اهم شي لايسولف معي ..
س10/ هل تتقنين جميع أشغال المنزل (نظافة غسيل طبخ )؟
الحمد لله .. وش ورانا إلا شغل البيت ..
إذا ما اتقناه من اللي بيتقنه !!!
س11/ نظامك في عمل المنزل ؟ (يعني الطبخ عليك والمواعين على غيرك ,أو يوم شغل المطبخ عليك وشغل البيت الثاني على غيرك .....؟ )ولا الله يخلي لكم الشغالة .
نظامنا في البيت ..
شغل المطبخ كله ع وحده ووحده عليها الغسيل ووحده الكنس .. واليوم اللي بعده العكس ..
س12/هل تعتقدين أنك ستكوني ربة منزل ناجحة ؟
إن شاء الله .. الله يقدرنا على تحمل المسؤلية .. وادعوا لنا بالتوفيق ..
س13/ إتقان الفتاة لأعمال المنزل هل تعتقدين أن هذا شرط ضروري في نجاح الزواج او فشله ؟
أكيد ولا الزوج ليه متزوجها ؟!!!!
لازم تهتم فيه وفي بيته ..
إلا إذا كان هو راضي بالوضع هذا شي ثاني ..
س14/ نصيحة تقدميها لبنات حواء بشأن هذا الموضوع ؟ (اللي بعضهن الظاهر ماتدل مكان المطبخ بالبيت )
أقول لهن الله يصلحكن يابنات .. هذي فطرة في حواء إنها تقوم باعمال المنزل ..
تعلمن من أجل خدمة انفسكن وخدمة والدينك لأن والله العظيم خدمتهم شرف .. ومن اجل المستقبل لأنك ستكونين في يوم من الايام ربة منزل ..
س15/ طبق تقدمينه لأعضاء منتديات الموازين ؟ ( ياحبذا لو يطرح في منتدى المطبخ ويوضع رابطه هنا )
جميع اطباقي في المائدة الحصرية والمنقولة اهداء لكم .. وعليكم بالعافية
تعبت .. الله يعينكم علي يابنات هههههههه
بكمل وقت ثاني إن شاء الله ..