السلام عليكم ورحمة الله وبركاته ..
شـكــ وبارك الله فيك ـــرا لك اخي ابو قتاده على جهودكـ.
لدي رؤيتين احداها للوالده والاخرى لي .
رؤيا الوالده.. رات انها في وادي (حقل) وكانت تحصد قمح وكان معاها امراتين ووحده منهم قالت لامي :ولدي محمد شافك تتكلمين مع سواق الوايت ردت امي وقالت:اتحداه يثبت هاالشي عليه الحمد لله انا ماني من اهل هالشي وكان شعر امي كثيف مره ولونه ابيض وملمسه نفس صوف الغنم بس ناعم وكانت تلف فيه من تحت الطرحه الي لابستها وكل مالفته طاح من كثافته وبعدين جا محمد وبعدين شافت نفسها مع خالتي الكبيره في وادي كله طماطم وكانوا ينادون على وحده من معارفنا وردت عليهم وقالت نعم قالولها تعالي اقطفي معانا طماطم .. انتهى
ورؤياي .. شفت نفسي في السياره مع ابوي وامي وقالوا سلطانه اخت ام خطيب اختي ماتت لازم نروح عشان نعزي وانا مره حزنت وكاني اعرفها وكانوا اهلي يتكلمون انه عندها عيال قمت انا قلت :بالنسبه لي اجيب عيال ويموتون على حياة عيني ولا اني انا اموت ويجلسون ضاعين كل يوم عند ناس - وفي الحقيقه عمة اختي ماعندها اخت بهذا الاسم - ودخلنا بيت كان فيه العزاء وكان الجو عادي مافي بكاء وكنت انا جالسه في غرفه لوحدي وجات امي قالت يالله قومي عزي قلت لها لازم قالت ايوه ودخلت غرفه وسلمت على عمة اختي وعزيتها وجنبها وحده لابسه شرشف صلاه لونه عنابي ومتلثمه انه هي ام عمة اختي وام الميته قلت لها عظم الله اجرك ياخاله قالت جزاك الله خير وسالت انتي مين وكانت اختي الصغيره جالسه على شي في الركن جنب ذي الحرمه قلت لها انا بنت وسميت اسم امي قالت انت اي وحده قلتلها وانا اناظر في اختي الصغيره انا اكبر من الي اخذتوها لولدكم وبعدين شفت نفسي بغرفتنا الي في بيتنا والنورمقفل وماسكه بجوالي وكان عندنا عشاء رجال وكان في احد يرسلي قصايد بالبلتوث على جوالي وانصدمت وقمت فتحت الشباك شوي وشفت الي يرسلي وعرفته وكان يرسل وهو مبسوط وعارف انه بلوتوثي وانا كنت مستغربه كيف عرف اني انا الي بالغرفه وان هذا جوالي ليش مااتوقع انه مثلا حق اختي وكل مايرسل قصايد كنت اقراها وانا مبسوطه وبعدين جات اختي والنور مفتوح ولونه ابيض وفجاه دق التلفون وردت اختي طلعت امي وقالت مرزوقه ام الولد الي كان يرسلي بيشوفوني شوفه شرعيه وحددت تاريخ للشوفه يا شهر 12 او2 بس مااذكر التاريخ تمام ..انتهى