ماقدرت أقول كلمه واتكلّم = أرتبكت وصرت في وضعن خطير
يوم مدت كفها اليمنى تسلم = أحسبن الأرض قامت تستدير
كني اللي شاف جلاّده تولم = قدمه الجلاّد بالسيف الشطير
إن بغيت أشكي لها ولا أتظلم = المصيبه غير واللي شفت غير
ماحكيت وكني الحر المبلّم = حر لكن ماهو بحرن يطير
غلطتي ياليتني منها أتعلم = الله أعلم فالنهايه وش يصير
لو تحقق حلم كم واحد تحلم = المحبه مثل مجهول المصير
الخفوق وكل نبضاته تألم = السعاده حبلها دايم قصير