السلام عليكم ورحمة الله وبركاته
هانحن نطرح بين ايديكم الطاروق الاول من حفلة الخميس 26/12/143هـ والتي
جمعت عبدالله الميزاني و عبدالحميد الفهمي ومحمد العطاوي وزيد المري
الطاروق الاول بين عبدالحميد وعبدالله
عبدالحميد
مرحبا في مرحبا بالقريّب والبعيد = في حلالٍ تكرم الضيف يوم يجي لها
كل شخص يريد والله يدبّر مايريد = ابتدى ليل المعاني وهذا ليلها
الميزاني
البقا والشك ماهو مثل عين الأكيد = ليلة الجمعه فهم بالخطر ياويلها
هبت الحايه صبى وانثنى خضر الجريد = الله الله ياحلال ٍ تفك دخيلها
عبدالحميد
ليلنا جاب العطاوي وعبدالله وزيد = الثلاثه ثلةً قولنا من قيلها
هبت الحايه صبى من يصَد ومن يصيد = لاتخلى وانت عينك تخيّل خيلها
الميزاني
يامسمي لك عرب من عرب وايش استفيد = إن لقينا المكحله ما لقينا ميلها
ياعسى من مات منكم على التقوى شهيد = والمقابر معظمتها تنادي جيلها
عبدالحميد
أول الايام ما فالبلاد إلا لبيد = لكن الدنيا دنت وامتلا زنبيلها
لو نشد القاف غيرت من بعض النشيد = وانت خلك حولها لا تبّرد حيلها
الميزاني
المنايا مرسله وانت صندوق البريد = وأمكم نسمع دعاها ولا ندعي لها
كيف اشد القاف والبدو ماتطري الشديد = شيلها وإلا يجي لك ولد ويشيلها
عبدالحميد
المنايا مرسلة والشقي غير السعيد = وأمكم يومين وأهل اليمن تومي لها
الله اعلم بالمقاصد ويا بيت القصيد = المسيح إنجالها تحتفظ بنجيلها
الميزاني
العمار تبيد غير الجميله ماتبيد = الله اكبر يافهم كيف يسري ليلها