(( .. شاشـة الــــفكر..))؟؟؟
كُتب : [ 30 - 12 - 10
- 04:04 AM ]
يسعد اوقاتكم
اخر ماكتبت
اتمنى ان تنال رضاكم 0
شاشة الفكر شوشها رموز افتهام= في صور الّتقطها من فضاء كونها
حارت افكار شاعر ماعليها ملام =في معالم غريبة لون مضمونها
شرق يمة غروبه والجنوبي وشام =اربع فصول باربع عاتي شطونها
في بساط الوسيعه والنفوس بزحام =لو سعت بالمناكب مدت عيونها
وحلق الفكر سامي فوق ذاك الغمام=في فضاء هاجس الاشعار مجنونها
يحبك القاف شاعرها رفيع المقام =هاجس ٍ يصخره والرب في عونها
بالحياة وبشرها عالمه والعوام=للولي الشؤون بخلقه وشونها
المساء بالمدينه ومايطول المقام=يعشقون الحظاره فن وفنونها
وصبحها في صحاري تحت ظل الخيام=واسمتهم سموم القيظ بسمومها
عصر عالم وصوفه في صفات الليأم =البواطن مريضه صفر ِ سنونها
معك نوب ٍ عليك ونوب فيه انفصام =في تناقض بلا مله يدينونها
مكذّبين الصدوق يصدّقون الهيام =وكلمة الحق حاشا مايقولونها
عن كلام الحقيقه بالمسامع صمام =ومايخدم النوايا منه يوحونها
لو تعارض وتنقد جاك الف اتهام =مانقول غير حسبي كيف يقوونها
المبادي رديه لاقدر لااحتشام =والنوايا نوايا السوء بظنونها
في مضيق الزوايا تايهين بظلام =ومن لحوم الاوادم كبرة بطونها
مضيعين المذاهب فوضوي النظام =بالمزاج ومصالح لاجل يجنونها
في يمينك تصافح قدر له واحترام =وفي يساره يصافح قاصر ٍ دونها
للعصور النقيه الماضيات السلام =ومن على نهجها وسلوم قانونها
تحيتي ... احمد العوفي
|