قال ابو متعب وعسرات القوافي تنحني له=حنيت الحاخام والقسيس للبابا يُحنا
إستهيضي يابيوت الشعر يالغيد الآصيله=وإرجهنّي ياشياطين القصيد ليا وصلنا
والقصيد إن ماتقصى شاعره وش يدعي له=لاتسال ولاتشال ولاتقال ولاتغنا
كان مايطرب مشاعر سامعينه نظم قيله=لايطولها ويطرق قافها منّا ومنّا
ياسلام الله عليكم يامطير آطيب قبيله=عزوة(ن)تثني وتركز للعداء رمح المثنا
والتحيه للرجال آهل الوفاء وآهل الفضيله=وكل من شرّف مقام عقاب واللي له تعنا
أمجد(ن)تخضع له العسره وراس المستحيله=راس من روس الرجال اللي تعن العرف عنّا
حر طايل شبر يمنى(ن)توفي المكيال كيله=من مجاني روس قوم(ن)زبّنو راس المجنا
بيت منصى حق مُورد راعي الحجه دليله=تعتدل قدمه رقاب الحق والباطل تثنا
وياعقاب الله يبارك لك على عز وفضيله=جيت آبا أهني لك على الشيخه ليا الشيخه تهنا
بك ياذخر الشايب اللي عطر المجلس بهيله=فك باب البيت ماصكه ودن النجر دنّا
قال نمر آملْ الوجار وكل من سيّر يجي له=خوف يستحي المنادي يوم يزهم ويتعنا
جعل بيته فالجنان وجعل شربه سلسبيله=وجعل تبقى ياسندنا ياسعدنا ياجملنا
وكل رجل(ن)له عزوم وكل رجل(ن)له حصيله=والحقايق ماتموت ولاتفوت ولاتكنا
قلتها واللي يطيح من السماء البيداء تشيله=ولو سكتنا للزمان الشين بالمخلاب آكلنا
قالها الميموني اللي كل قاف(ن)ينحني له=حنيت الحاخام والقسيس للبابا يُحنا