###منقول###

هذه قصة سمعتها ويقول ناقلها انها حقيقية .
تدور القصة حول مديرة مدرسة عزباء غابت عن المدرسة يومين

ولما عادت لمدرستها قابلنها المدرسات سلامات وينك يامديرة ؟

قالت لهن باركولي تزوجت . قالن مبروك

يامديرة ولكن منهو زوجك ؟.

قالت لهن بصراحة زوجي هو زوج إحداكن

المدرسات: تكفين علميننا أي وحدة منا ؟

قالت المديرة والله ماقول .

المهم اصرن عليها فقالت لهن أنا ماني متكلمة!

اللي تبي تعرف هل هو زوجها وإلا لا

تجيب بكره معها خمسمية ريال

وإذا جت توقع وتحط الخمسمية على الطاوله

واللي آخذ خمسميتها يعني مهو زوجها

واللي أخلي خمسميتها على الطاولة وما آخذها فهو

زوجها.. عيب علي اتزوج زوجها وآخذ بعد منها خمسمية ريال ..

وافقن المدرسات على الطريقة .

وثاني يوم كل وحدة محضرة معها الفلوس .

جت الأولى والثانية والثالثة والرابعة حتى العاشرة والمديرة تاخذ فلوسهم

يوم جت المدرسة الـ 11 وبدأت المديره تتأفف.. المهم حطت الخمسمية

على الطاولة وقالت لها تكفين خذيها يالمديرة..

قالت المديرة اعذريني قالت المدرسة كانها قليلة حطيت ألف بدال الخمسمية!

قالت المديرة أووووووووووووه معليش أثرك أنتي جواهر؟؟!

والله اني آسفه غلطت يوم تركتها

تنفست المدرسة وقالت الحمد لله يعني بتاخذين الفلوس؟!

المهم اخذتها المديرة . ودخلن بقية المدرسات حتى الـ 23

والمديرة تلعب باعصاب كل وحده وفي النهاية تاخذ الخمسمية...

المهم بقي مدرسة وحدة فقط ماجت ، يوم اتصلن عليها المدرسات..

هاه وينك يا استاذه؟

قالت والله اني تعبانه وماني جايه.. بس ماخبرتوني ، هاه من صار زوجها

اللي متزوج المديرة ؟

قالن للحين مابين شي والمديرة عيت تاخذ الفلوس لين تحضر كل المدرسات

(يلعبن عليها بس يبونها تجي عشان يتطمنون إنها هي لأنه مابقى إلا هي)

وقالن المدرسات لازم تجين تكفين ..

المهم جت تسحب رجليها بالقوة ويوم جت تدخل المدرسات كل وحده مبسوطة

انها ماهي هي وبدن يسلمن على المدرسة ال 24 عشان ماتنصدم ..

دخلت المدرسة الأخيرة غرفة المديرة وحطن باقي المدرسات ايديهن

على قلوبهن , وحطت المدرسة الخمسمية على الطاولة وضفتها المديرة

يوم طلعت لقنها عايدية وماصار شي وفلوسها أخذتها المديرة

قالن يابنات فيه وحده منكن ماخذت المديرة فلوسها ؟

قالن لا والله كلنا اخذت فلوسنا .

ودخلن المدرسات على المديرة وقالن اخذتي الفلوس من كل المدرسات

تلعبين علينا منهو زوجك ؟


قالت المديرة المهم الدراهم ( 12000 ريال ) ماراح ترجع

وأنا والله لا تزوجت ولا شي لين الحين عزوبية ووالله كنت مريضة هاليومين .

ولكني اطلبكن قبل شهر تدفعن على مية ريال نصلح المصلى ولا وحدة منكن

دفعت قلت والله لأدفعكن 500 ريال نصلح المصلى ونشتري مصاحف للمسجد

قالن المدرسات

الله يجعلها بالعافيه فداك المال ولو تبين زود عطيناك من صدق

بس رجالنا مايتزوجوا علينا ...


انتهت القصة وأتمنى تكون أعجبتكم
اخوكم فيصل