القيظ ركب علينا، حر ملهابه=ياسرع الأيام يا مكثر تقلبها
مبطين معاد شفنا البر وترابه=والطير مربوط والأيام نحسبها
وسهيل كنه من الاحباب فِ غيابه=واليا طلع فرحت الصقار يجلبها
وجات الهبايب بنو الوسم جذابه=وصارت علوم الحيا كلن يجيك بها
لعل سيله على الصمان وحرابه=قمة سنام الدير والكل يرغبها
وإليا كساها الربيع تشابه الغابه=جيانها والفياض وما يحيط بها
الطير توه وحش جابوه بقطابه=من خيرت(ن) جابها الطاروح جالبها
عابيه للي عصت في الجو لعابه=يلحق عليها طياره لين يعطبها
من السماء حولت شلونٍ بمخلابه=من الشراسه تطب الأرض قاضبها
مع خوة اللي على الشده تعزوابه=كلمة نعم من فعول الطيب كاسبها
اليا، نصاه المسير فاتح(ن) بابه=ما سكر الباب والشاشه مركبها
يفدونه اللي تجمع المال حسابه= لو كثر ماله فعول الطيب جنبها
وسلامت الجميـع
...